Коњаниците од здружената коњаница „Св. Јован Бигорски – Патот на Црешовото Топче“ пристигнаа во Вранештица, каде што беа срдечно пречекани од жителите.
По напорниот ден и поминатите километри, коњаниците сега се во црквата „Св. Илија“, каде што ќе преноќат и ќе соберат сили за продолжението на патот кон Крушево.
Утре тие ќе го продолжат својот марш од Вранештица кон селото Цер, преку Турла и селото Црско чекорејќи по патот на илинденската традиција и носејќи ја пораката за македонско единство, верност кон татковината и почит кон жртвата на илинденците.
Со развеани македонски знамиња и со силна верба во срцата, коњаниците продолжуваат кон својата конечна цел – славното Крушево и Мечкин Камен, каде што достоинствено ќе им се поклонат на македонските херои.
