Ацо Македон Крстески
По успехот на првиот том, Виена ќе биде домаќин на првата меѓународна промоција на „Македонци – Сведоштва за идентитетското име и јазикот“ Том 2
Авторот д-р Бранислав Светозаревиќ Покорни на 21 јуни во Виена ќе ги претстави новите документи и историски сведоштва за македонското име, идентитет и јазик.
По големиот интерес што го предизвика книгата „Македонци – милениумски сведоштва за идентитетското име“, дело кое беше препознаено од Македонците ширум светот и доживеа повеќе изданија, пред јавноста излегува нејзиното долгоочекувано продолжение.
Авторот д-р Бранислав Светозаревиќ Покорни во новото издание претставува нови историски сведоштва, документи, матични книги, лични исправи и архивски извори кои сведочат за македонското име, идентитет и јазик низ вековите.
Со особена чест се најавува дека Виена ќе биде првиот град надвор од Македонија во кој ќе биде претставен вториот том на ова значајно документарно дело.
Промоција на книгата
21 јуни 2026 година (недела)
12:00 часот (по светата литургија)
Македонска православна црква „Св. Наум Охридски“ – Виена
Siemensstraße 26, 1210 Wien, Österreich
На промоцијата ќе се обрати авторот д-р Бранислав Светозаревиќ Покорни, кој ќе ги претстави новите историски сознанија и документарни сведоштва содржани во вториот том.
Настанот се реализира со поддршка на Глобалната Македонска Фондација ВЕЧНА, при што накратко ќе биде претставена и нејзината мисија за зачувување, афирмација и поврзување на македонското историско, културно и духовно наследство.
Организаторите ги покануваат сите добронамерници, истражувачи, љубители на историјата и сите што имаат интерес за македонската историска вистина да бидат дел од овој значаен настан.
Историската вистина најсилно зборува кога е поткрепена со документи.
