На 20 август 2026 година, со почеток во 18:00 часот, на плоштадот „Гоце Делчев“ во Пустец ќе се одржи Македонскиот фолклорен фестивал „Преспа“ – културна манифестација што ќе ги собере Македонците од Македонија, Албанија и дијаспората во чест на македонската традиција, песна и оро.
Фестивалот ќе биде можност за промоција на богатото македонско културно наследство преку настапи на фолклорни ансамбли, изведба на изворни песни и народни ора од сите краеви на Македонија. Организаторите најавуваат вечер исполнета со музика, традиционални носии и силна порака за зачувување на македонскиот национален идентитет.
Под мотото „Македонија обединува! Фолклорот ги чува корените, традицијата ја гради иднината“, фестивалот има за цел да ги зацврсти врските меѓу Македонците ширум светот и да ја пренесе љубовта кон македонската култура на помладите генерации.
Покровител на манифестацијата е претседателот на Владата, проф. д-р Христијан Мицкоски.
Организаторите упатуваат отворена покана до сите љубители на македонскиот фолклор да бидат дел од оваа свеченост, која ќе ја претвори Преспа во место на заедништво, традиција и македонски дух.
