На прво место

СДС повторно со црни сценарија, економските показатели ги демантираат

Додека СДС најавува поскапувања и шири страв меѓу граѓаните, инфлацијата се намали на 2,3 отсто, јавниот и државниот долг бележат пад, а цените на горивата во Македонија остануваат меѓу најниските во регионот.

Кога СДС нема што конкретно да им понуди на граѓаните, испраќа некого на прес-конференција за да шири страв, недоверба и апокалиптични сценарија.

Уште кога ВМРО-ДПМНЕ дојде на власт, од СДС тврдеа дека државата ќе банкротира. Кога тоа не се случи, најавуваа мигранти, драматични поскапувања и економски колапс. Речиси две години подоцна, ниту едно од тие предвидувања не се оствари.

Напротив, по долг период е забележано намалување на јавниот долг за 20 милиони евра, додека државниот долг е намален за 40 милиони евра. Тоа е најдобар одговор на тврдењата дека државата се движи кон банкрот.

И ценовните движења ја демантираат опозициската реторика. Цените на производите постојано се следат, а според податоците на Државниот завод за статистика за јули, годишната инфлација се намалила на 2,3 отсто. Тоа е значително пониско од периодот на владеењето на СДС, кога инфлацијата достигнуваше двоцифрени стапки и силно го погодуваше животниот стандард.

Сега СДС ја испрати Јованка Тренчевска да најавува нови поскапувања и повторно да внесува несигурност меѓу граѓаните. Но додека опозицијата зборува за ценовен удар, официјалните податоци и состојбата во маркетите покажуваат поинаква слика.

Во однос на горивата, треба да се има предвид дека нивните цени зависат од движењата на светските берзи. Сепак, благодарение на преземените владини мерки, Македонија и натаму има едни од најниските цени на горивата во регионот.

Ако СДС и Тренчевска имаат забелешки за цената и откупот на пиперката, одговорите можат да ги побараат и кај семејството Заеви, поврзувано со една од најголемите фабрики за производство на ајвар.

Наспроти постојаните црни сценарија на СДС, државата не банкротираше, туку јавниот и државниот долг се намалуваат. Инфлацијата падна на 2,3 отсто, а цените на горивата остануваат меѓу најниските во регионот.

Граѓаните не живеат од прес-конференции и политичко заплашување. Тие ги оценуваат резултатите, а бројките повторно покажуваат дека апокалиптичните предвидувања на СДС немаат допир со реалноста.

Најново од: На прво место

35 години од првиот Устав на независна Македонија

На 17 ноември 1991 година, Собранието го усвоил првиот Устав на независна Република Македонија со 92 гласа „за“ и 22 „против“. Со Уставот, донесен по референдумот за независност од 8 септември 1991 година, биле утврдени државното уредување, основните права и слободи на граѓаните и поделбата на власта на законодавна, извршна и судска. Референдумската одлука за […]

Амбасадорите на Вишеградската група со порака од Скопје: Македонија има сојузници на патот кон ЕУ

Во заедничкиот текст по повод 17 ноември, амбасадорите на Словачка, Чешка, Полска и Унгарија ја поврзуваат 35-годишнината од донесувањето на Уставот на независна Македонија со демократските промени во Централна Европа во 1989 година. Словачка, Чешка, Полска и Унгарија остануваат поддржувачи на европската интеграција на Македонија и застапници на нејзиното членство во Европската Унија. Ова е […]

ВМРО-ДПМНЕ бара одговори од Филипче и СДС за влезот на Алта банка

Филипче и СДС се во политички ќорсокак, фактите и документите за Алта Банка ги демаскираа лагите затоа сега се кријат и бегаат од одговори Кога фактите и документите за Алта банка излегоа на површина Филипче и СДС се кријат и бегаат од одговорност. Откако со месеци ја користеа Алта банка за ширење политичка паника, Филипче […]

Вајц ја гледа Македонија меѓу предводниците во преговорите со ЕУ

Во обраќањето пред Собранието, европратеникот ја нагласи важноста на доследната примена на законите за привлекување инвестиции и на изборот на стручни кадри за враќање на довербата во институциите. Томас Вајц, Македонија, Европска Унија, пристапни преговори, блокади од Бугарија, владеење на правото, парламентарен надзор, борба против корупцијата, избор на раководни кадри, доверба во институциите Македонија, со […]

Мицкоски од Брисел – проширувањето на ЕУ мора да се темели на заслуги, реформи и резултати

Премиерот Христијан Мицкоски денеска во Брисел порача дека проширувањето на Европската Унија треба да се темели на заслугите на земјите кандидати, на спроведените реформи и на конкретните резултати. Тој се обрати на Форумот за проширување на ЕУ („EU Enlargement Forum 2026“), во организација на Европската комисија. Мицкоски истакна дека Македонија е посветена на спроведувањето на […]

До кога ќе бидат исклучени микрофоните на Бихаќка?

На Бихаќка, по неколку месеци силен тон за Алта банка, микрофоните одеднаш стивнаа. Штета, токму кога публиката почна да поставува прашања. А првото беше сосема едноставно. Кој прв ја отворил вратата за Давор Мацура да купи акции во Македонија? Според Манасиевски од ВМРО-ДПМНЕ, одговорот води до времето кога СДС беше на власт. Ако е така, […]

Политичари пазарџии

Реформаторската иницијатива „12:05“ во СДС во денешното соопштение упати остра критика за измените на Кривичниот законик донесени во 2023 година, кога партијата беше на власт. Според иницијативата, со тие измени се отвори пат за побрзо застарување на предметите за политичка корупција. „Нема никаква дилема дека со скандалозните измени на Кривичниот законик од 2023-та дел од […]

Вистината е како шило – понекогаш доцни, но секогаш излегува на површина

Доказ за „демократијата“ во Бугарија, членка на ЕУ? Во аудиоснимките што ги објави бугарскиот новинар Станислав Цанов, Ива Михаилова зборува за притисок од бугарската служба ДАНС и за закани дека ќе ѝ биде ускратена рехабилитацијата. Случајот на Ива Михаилова, кој дел од бугарските политичари и медиуми го претставуваа како пример за дискриминација во Македонија, сега […]

To top