Мане Јаковлески
Зачуван е најголемиот дел од богатата архива на порталот — текстовите повторно се достапни за читателите, а со нови материјали продолжуваме да го збогатуваме македонското историско и културно наследство.
Во април 2026 година порталот „Македонска нација“ стана недостапен. Не знаеме со сигурност дали стануваше збор за хакерски напад или за друг проблем.
За да продолжиме со работата, создадовме нов портал со истото име, кој веќе неколку месеци е во функција и е достапен на https://mn.mk/.
Со помош на луѓе што ја познаваат оваа област, успеавме да вратиме и да пренесеме на новиот портал 16.952 текста, објавувани од 2009 до 2026 година. Со тоа го зачувавме најголемиот дел од содржините на старата „Македонска нација“.
Им благодарам на сите што помогнаа во обновувањето и зачувувањето на нашата богата архива.
Како да ја пребарувате архивата
Отворете го порталот „Македонска нација“. Текстовите можете да ги најдете на два начина:
- Преку лупата за пребарување, на левата страна на страницата: внесете го насловот или клучен збор од текстот што го барате.
- Преку „Времеплов“, најгоре на десната страна на страницата: пребарувајте ги старите текстови по години на објавување.
Нашата архива останува достапна за читателите — како сведоштво за македонската историја и култура, како и за животот на Македонците во татковината и во светот.
Повик за соработка
Ги повикуваме сите што сакаат да соработуваат со „Македонска нација“ да ни испраќаат документи, историски текстови, сведоштва и други материјали важни за зачувувањето и расветлувањето на вистината за Македонија на нашата е-пошта: Makedonskanacija@gmail.com.
Повик до Македонците во дијаспората
Ги повикуваме нашите браќа и сестри во дијаспората да ни испраќаат документи, архивски записи, фотографии и други материјали што ги откриваат во државите каде што живеат, а се поврзани со македонското минато.
Воедно, ве повикуваме да ни испраќате текстови и фотографии од вашите активности во македонските клубови, здруженија и црковни општини, како и од културни настани, прослави и други собири преку кои ги чувате македонскиот јазик, традицијата и идентитетот со кратки текстови.
Материјалите испраќајте ги на: Makedonskanacija@gmail.com.
Нека „Македонска нација“ биде наш заеднички простор за зачувување на историското наследство и за споделување на животот и дејноста на Македонците во светот.
Заедно да ја збогатуваме архивата и да го зачуваме македонското историско и културно наследство за идните поколенија.
Продолжуваме со посилно темпо!
