До Претседателот на СДСМ, господинот Зоран Заев!
Господине Заев,
Вашите бомби освен прашина, ништо друго не кренаа!
Почнавте како тигар, завршивте како черга пред вратата за бришење чевли!
Бумерангот, кој го фрливте ќе Ви се врати назад и ќе Ве уништи Вас, елитата на СДСМ, како и странските тајни служби, кои ве финансираат!
Колку подолго објавувате илегален материјал, добиен од тие служби, толку подлабоко тонете во сопствениот измет!
Вашиот однос према Македонија и македонскиот народ ми личи на слон кој се наоѓа во порцеланска продавница или пак, како секира која „краде” во шумата дрва!
Доста ни го „масирате” мозокот со лажните илегални снимки! Досадни сте веќе!
Ставете си ги под перница и сонувајте за Вашето наскоро изчезнување од политичката сцена! Вие сте излишни на таа сцена!
Побргу ќе се протне една камила низ увото на една игла за шиење, отколку што Вие ќе станете Претседател на македонска Влада!? Вие немате формат за еден таков позив!
Во моите мисли Ве гледам со селска капа на главата, со чизми преку колена и со вила во рацете, како ја чистите шталата на кравите. Таму Вие е местото! Тоа не значи, дека го понижувам тој позив!
Илегалните снимки добиени од душманите на Македонија и македонскиот народ, освен банални, чаршијски и без никаква содржина разговори, ништо друго не покажуваат. Од тие илегални телефонски разговори, не можам да заклучам, дека лицата кои се снимени вршат некое кривично дело или криминал. Повеќе ме загрижува нивниот непристоен и на некој места вулгарен речник, отколку содржината. Илегалните снимки немаат никаква судска вредност и секој суд во светот ќе ги отфрли како ирелевантни!
СДСМ и Вие како Претседател на таа квинслишка-бандерова партија ја изгубивте довербата во македонскиот народ. Се прашувам често пати, кој ѓавол е влезен во вашите црни, грешни души? За соработка со странските тајни служби против интересите на Република Македонија и против интересите на македонскиот народ, Вам и на други личности од редовите на СДСМ, народот кога и да е, ќе ви ја изрече казната која ја заслуживте. Ќе влезете сите во историјата на Македонија, како предавници на сопствената држава и народ. Немојте, во моментот на разочарување, да ја барате грешката во народот за Вашиот досегашен неуспех!? Македонскиот народ, на тие што сакаат да „свиткаат кичма” за менување на името на Република Македонија и идентитетот на македонскиот народ, пред да го направат тој предавнички чин, ќе им ја скрши истата.
Вистината за Македонија е во тоа:
-да го почитуваат сите партии Уставот и законите на Република Македонија!
-да се почитуваат од сите партии основните правила на демократијата!
-Вие и Вашата партија, во моменталната состојба, да изчезнете од политичката сцена на Македонија!
-да ги искорените метастазите од комунизмот во Вашата партија!
-да престанете Вие и Вашата Партија да соработувате со душманите на Македонија и македонскиот народ!
-да престанете да му ветувате на албанскиот блок за ротација на местата во Владата (предлогот на Фрчкоски од 2011 година)!
-да се даде оштета на лицата, кои незаконски- како последица од приватизацијата- ги изгубија работните места!
-да го платат сите лица, без разлика на партиска припадност, данокот кој му го должат на државата!
-да го искоренат сите партии нагонот за корупција и послужување од државната каса!
-да се решаваат проблемите преку културен и цивилизиран дијалог!
-да не се проповеда Реваншизам и омраза!
-да не владее зависта и љубомората во Вашата партија за успесите на ВМРО-ДПМНЕ!
-да нема закани со телесни повреди и одстрел на неистомослениците!
-да се вратат сите пари заработени од приватизацијата во државната каса!
-да се вратат сите државни фирми купени од приватизацијта за 1€, а денес сеуште стојат затворени-не функционираат и да се дадат повторно на лицитација!
-да има повеќе за народот и помалку за сопствениот џеб!
На крај, да се помолиме на Господа за Вашата заблудена грешна душа, како и за заблудените грешни души на елитата на СДСМ:
„ОЧЕ НАШ, КОЈ СИ НА НЕБЕСАТА, ПРОСТИ ИМ ГИ ГРЕОВИТЕ НА ЗАБЛУДЕНИТЕ ГРЕШНИ ДУШИ, ЗАШТО НЕ ЗНААТ ШТО ПРАВАТ“!!!
Со почит,
Спиро Никовски
