Коментари

ВО НИКОЛА Е ВИ(СТИ)НАТА

Петре Кривчевски

Една груба, можеби и не соодветна но и многу веродостојна компарација би сакал да посочам за думата да ви ја доловам. Имено, барем јас така гледам, тоа што за Париз е Алфеловата, за Британија кралицата, за Кина ѕидот, за Јапонија трудот за ВМРО е Никола. И… да не редам компарации понатаму туку да ви откријам тоа што сите го знаат, мнозина го признаваат но и не малцина вака, јавно, го изнесуваат. Едноставно овој тврд човек кој ни понуди јасен пат напред со чиста мисла што и како сака но и силно водство со кое умее да го оствари сето тоа, со својот висок рејтинг и народот зад себе им е трн во око на големите „браќа“ по (нечиста) крв и ти, сега, уште сакаш да им го пикаш в очи. Тоа е тоа,  вака или онака но веќе една цела деценија во оваа мала земја сепак! се знае кој е газда а кој кираџија. Или, барем се прави динстикција.

Навистина, што треба да се случи па да сфатиме и прифатиме дека само вазалите се мили чеда на старата блудница и фадерот на сите терористи од преку барата? А не некој што не витка кичма, бара на референдум да одлучи народ, економски се воздигнува, со своја глава размислува и по свој пат тера. Тука е, таа е маката, совршено проста е работата. Еве, жими Либија ако не ми верувате. Но таа ни од далеку не е само сама и не е само Африка. За жал ги има страдалници ширум белиов Свет кој заними е и повеќе од црн. Посебно ако имаат ресурси: нафта, злато, дијаманти, ураниум… или пак стратегиски им се важни на САД или СЕД, сеедно.

Но, да нема забуни! Не дека Никола не мати ништо живо. Не! Та ова е Македонија а не Кина или Русија, ама и не витка кичма и бацува рака за тапшање по рамена и врзување лаги со опашки од видот… етнички територијални поделби или, пак, акреп референци од два-три месеци кои остануваат неоткорнати и после две-три децении. Сепак, за да биде до крај разбран и сфатен овој човек, неминовно е да се следи и разбере колку силно и искрено сака и е подготвен да доведе до реформи, да им помогне на луѓето да се променат храбро соочуваќи се со предизвиците и хегемониите одоколу но и од (по)далеку.

Знаеме, историјата говори дека многу Давиди им пркоселе па и се спасиле од наездите на многу Голијати. Проверено! Токму оттаму овој народен „слуга“ ја црпи поддршката, силата и енергијата ставајќи ја во прв план економијата. И, знаете веќе, со сет мерки, меѓу кои најниски даноци на Планетава, создава еден економско-бизнис амбиент кој доведува до тоа да во време на две глобални последователни кризи не само што, просто кажано, останува на нозе туку и остварува резултати на кои тешко кој може да не му позавиди. Задржување на сите вработени, зголемување на плати, пензии, градежна експанзија.

Но, кога сме веќе кај би(о)лката за опозицијата сакаме да истакнеме уште две работи. Првата е таа дека со ваква опозиција отспротива и искуството во политиката позади себе, веќе и натдецениско, овој човек во најплодните години од својот живот може само подобар да биде. Опкружен со екипа – се експерт до експерт дружина, светски а наши дипломци кои исто така се во најдобри години, плус и реални и проверени политики со конкретни резултати, сите сопки и предизвици успешно може да ги пречека и надмине. Несомнено! Или, метафорички кажано, Никола за „меѓународната“ (плус формалната опозиција) иако не им е по волтите е како орев. Колку повеќе се обидуваат да го скршат толку повеќе забите им ги рони.

И, друго. Со своите храбри и вистински потези на еден патриот ем сите остварени економски чуда во 24/7 временска димензија, Никола ја подигна и постави толку високо летвичката да веќе симнување нема. Тоа можеби е и неговиот најголем придонес. Стилот и опсегот на работа. Та сега, било кој да сака да го замени и наследи ќе мора со таа вистина да се соочи. Работа, пот и крв! Ако не – гитла. Нема – прв! Овој народ после сите  транзициски Бранко-Љубчо мршојадци се идентификува со оваа персона, поточно со неговиот стил на работа и од тоа, велам, бегање нема. Еве, хипотетички, на било кој начин (измами, пресии, пропаганди…) да биде сменет, било кој и да го наследи едно мора да знае: или ќе е поарен од него (а што, ќе признаете, не е нималку едноставно) или пак, под ударите на реалноста, како и секое чудо ќе потрае два-три дена. Нека се и месеци, сеедно, многу не менува.

Најново од: Коментари

Ламбе Арнаудов: Благословите од мајка МАКЕДОНИЈА до своите чеда!

– Првиот Благослов го посветувам на денес одржаната 35-годишнина на Унијата на млади сили на ВМРО-ДПМНЕ, цветот и пролетта на нашата партија, младите Лавови предводени од ЛИДЕРОТ ХРИСТИЈАН МИЦКОСКИ, најдобрата верзија на ОРГАНИЗАЦИЈАТА од нејзиното основање и тоа со голема благодарност што ја бранеа и одбранија, што ја чуваа и сочуваа нашата Татковина МАКЕДОНИЈА и […]

Европа без место на масата – поука од Букурешт 1913

Во 1913 година, во Букуреш, се одлучуваше за судбината на Македонија. Македонците немаа место на преговарачката маса, немаа сопствена меѓународно призната држава и немаа сила да ја спречат поделбата на својата татковина. Македонија се бореше за слобода и самостојност, но интересите на соседните држави и тогашните големи сили надвладеаја над стремежите на македонскиот народ. Сто […]

Што предвидела Баба Ванѓа за еконимски напредок на Македонија?

Баба Ванѓа (Ванѓелија Гуштерова), позната како „балканскиот Нострадамус“, е родена во Струмица во 1911 година, но поголемиот дел од својот живот го поминала во Петрич, каде што стекнала светска слава. Според едно раскажување што ѝ се припишува на Баба Ванѓа, Македонија ќе има финансиски тешкотии сè додека повторно не проработи рудникот „Алшар“ на планината Кожуф. […]

Непокорниот дух на Македонците – до кога ќе ги трпиме неправдите?

Македонија преживеала војни, поделби и туѓи владеења. Низ сите тие премрежија, Македонците го зачувале својот јазик и култура и изградиле своја држава. Секогаш кога ќе се спомене таа издржливост, се наметнува едно прашање. До кога од нас ќе се очекува да трпиме неправди и да правиме отстапки за прашања што го засегаат нашиот идентитет? Еден […]

Името Македонија од античките записи до уставните измени

Сребрена тетрадрахма од Амфипол со натпис „ΜΑΚΕΔΟΝΩΝ“ („на Македонците“), 158–150 година пред нашата ера. Музеј на уметност во Кливленд.   Името Македонија е запишано уште во V век пред нашата ера. Од Херодот и библискиот повик до апостол Павле, преку старите карти и делото на Мисирков, до Уставот од 17 ноември 1991 година. Меѓу најстарите […]

Пресказание на Голем Александр (Александар Македонски)

Во Венеција во 1845 година јеромонахот Атанас Македонец го објавил „Пресказание на Голем Александр“ (Александар Македонски), пренесувајќи старо претскажување што, според прологот на книгата, било пронајдено при ископување во Вавилон, во златна кутија, а потоа преведувано на повеќе јазици. Возбудливо видение што му се припишува на Александар Македонски. Текстот е подолг, но вреди да се […]

Уште колку ЕУ ќе нè тапка по рамо?

Европската идеја има смисла ако ги зближува народите и го почитува нивното достоинство. Македонија заслужува јасен и праведен пат до членство, по кој ќе оди со реформи и со зачуван македонски идентитет. За идеите во минатото се гинело, а за нив се гине и денес. Тие ги движат луѓето, ги обединуваат народите и го менуваат […]

Филипче, рејтингот на СДС не се крева со сирена за тревога

Дали Филипче навистина мисли дека патот до повисок рејтинг води преку повисок притисок кај граѓаните? Дека секоја вознемирена фамилија е потенцијален глас, секој исплашен пензионер — политичка добивка, а секој загрижен штедач — публика за следниот настап? СДС на чело со Филипче остава впечаток дека отвори дежурна служба за најавување пропаст. Телефонот постојано ѕвони, сирената […]

To top