На прво место

ЕФА едногласно усвои Резолуција за заштита на македонското малцинство во Албанија

Генералното собрание на European Free Alliance (ЕФА), кое се одржува во Gandia-Шпанија, едногласно ја усвои Резолуцијата предложена од Македонска алијанса за европска интеграција за заштита на македонското малцинство во Албанија и за почитување на правата на малцинствата во процесот на проширување на Европската Унија.

Усвојувањето на Резолуцијата претставува значајна меѓународна поддршка за македонската заедница во Албанија и потврда дека прашањето за заштитата на националниот идентитет, јазикот и културните права останува дел од европската агенда за човекови права.

Во документот се нагласува потребата од доследен и принципиелен пристап од страна на албанските власти и институциите на Европската Унија, со цел малцинските права не само формално да бидат признаени, туку и целосно да се применуваат во пракса.

Претседателот на МАЕИ, Васил Стерјовски, изјави дека од албанската Влада се бара да обезбеди целосно спроведување на правата на Македонците на целата територија каде што живее македонско население, вклучително и пристап до образование на македонски јазик секаде каде што постои соодветна потреба.

Резолуцијата исто така бара воведување механизми за праведна политичка застапеност на малцинствата, разгледување на можноста за загарантирано парламентарно претставување, како и обезбедување економски и инфраструктурни инвестиции во регионите населени со Македонци.

Посебен акцент е ставен на потребата од зајакнување на независноста и ефикасноста на Комитетот за национални малцинства, обезбедување фер и меѓународно набљудувани процеси на самоидентификација и ратификација на Европската повелба за регионални или малцински јазици.

Од институциите на Европската Унија се бара внимателно да ја следат состојбата со малцинските права во Албанија во текот на пристапните преговори, како и да обезбедат еднакви и принципиелни критериуми во процесот на проширување.

Во Резолуцијата се наведува дека македонското малцинство во Албанија и натаму се соочува со сериозни предизвици во областа на образованието, политичката застапеност и економскиот развој. Се предупредува дека надворешните политички влијанија можат да го загрозат идентитетот и кохезијата на македонската заедница.

ЕФА ги осудува недоволното спроведување на стандардите за заштита на малцинствата, економската запоставеност на регионите населени со Македонци, како и сите обиди за негирање или асимилација на македонскиот национален идентитет. Во документот се критикува и злоупотребата на процесот на проширување на Европската Унија за наметнување идентитетски условувања, што е спротивно на европските принципи и човековите права.

Дополнително, се осудуваат неправилностите и надворешните влијанија во процесите на самоидентификација и пописите на населението, како и практиките поврзани со издавање потврди за наводно бугарско потекло без соодветна правна основа.

Усвојувањето на оваа Резолуција претставува важен политички сигнал дека прашањето за правата на Македонците во Албанија добива поширока европска видливост и поддршка. Воедно, тоа е потсетник дека европската интеграција мора да се темели врз почитување на човековите права, слободната самоидентификација и заштитата на националните и културните особености на сите заедници.

Македонска алијанса за европска интеграција од 2024 година е полноправна членка на Европската слободна алијанса, која ги обединува регионалните, автономните и малцинските политички партии во Европа и е застапена во Европскиот парламент.

Најново од: На прво место

Филипче и СДС се обидуваат да креираат скандал таму каде што нема, постапката за Алта банка е јавна и транспарентна

СДС и Венко Филипче се обидуваат да креираат скандал таму каде што нема, во постапката за Алта банка, која е јавна и транспарентна. Тие продолжуваат со ширење неосновани обвинувања за Алта банка, обидувајќи се од редовна и транспарентна постапка за јавна аукција во јавноста да претстават непостоечки скандал. Фактите, се следни. Продажбата на над 95 […]

Една лага ќе им пропадне, а од СДС се тука експресно да смислат нова

Филипче и СДС продолжуваат со лагите и манипулациите за Алта банка, овој пат јавната аукција сакаат да ја претстават како тајна зделка СДС продолжува со ширење лажни, паушални и неосновани обвинувања и манипулации во врска со Алта банка. Откако им пропаднаа сите досегашни и не им успеа обидот за креирање страв и општа паника со […]

СОБОР НА СВЕТИ АРХАНГЕЛ МИХАИЛ – АРАНЃЕЛОВДЕН

21 ноември / 8 ноември Овој празник во народниот живот на Македонците е познат како Аранѓеловден и претставува една од позначајните семејни слави во македонската православна традиција. Свети Архангел Михаил во христијанското предание Името Михаил потекнува од еврејското име Михаел, што се толкува како „Кој е како Бог?“. Во Светото писмо Архангел Михаил е претставен […]

ВОВЕДЕНИЕ НА ПРЕСВЕТА БОГОРОДИЦА (ПРЕЧИСТА)

Воведението на Пресвета Богородица во храмот, во македонската народна и православна традиција познато и како Пречиста, е еден од големите Богородични празници во православното христијанство. Се празнува на 21 ноември според јулијанскиот календар, односно на 4 декември според грегоријанскиот календар. Во македонската православна традиција празникот е познат под името Пречиста или Воведение на Пресвета Богородица. […]

Кога се сака, речиси сè се може: Комерцијална банка влегува во трката за Алта банка Битола

Опис за главната слика: Илустративен колаж на Алта банка Битола и Комерцијална банка, изработен со ChatGPT во формат 3:2. Одлуката на Комерцијална банка да учествува на берзанската аукција е конкретен чекор кон изнаоѓање нов сопственик за битолската банка. На 30 ноември на Македонската берза ќе бидат понудени 95,336 отсто од нејзините акции. Премиерот Христијан Мицкоски […]

Македонија ја потврди поддршката за праведен и траен мир во Украина

На состанокот на Коалицијата на волните во Берлин беше нагласена потребата од заедничко дејствување на европските партнери и САД за завршување на војната. Македонска делегација, во која учествуваше и министерот за надворешни работи и надворешна трговија Тимчо Муцунски, присуствуваше на состанокот на Коалицијата на волните во Берлин, посветен на актуелната состојба во Украина и на […]

Во Полице откриен првиот споменик во Полска посветен на децата бегалци од Егејска Македонија кои не се вратија дома

Споменикот е дело на Петро Алексовски и е подигнат со поддршка на Фондот на холокаустот на Евреите од Македонија. Во полскиот град Полице денеска, 19 ноември 2026 година, беше откриен првиот споменик во Полска посветен на децата бегалци од Егејска Македонија кои не се вратија во родните краишта, туку го поминаа животот во Полска и […]

Јовановски: Евроинтеграцијата го смени односот на западните научници кон македонската историографија

Дел од западните научници што порано ја критикувале македонската историографија денес покажуваат поголемо разбирање за нејзините ставови, откако увиделе дека нивните критики се користат за политички цели. Ова го истакна историчарот Далибор Јовановски на конференцијата по повод 80 години од постоењето на Институтот за историја. Настаните поврзани со евроинтеграцијата на Македонија влијаеле врз начинот на […]

To top