Овој цитат на најдобар можен начин го опишува општествено – политичкиот момент што изморената, опљачканата и понижената Македонија го преживува денес. Безуспешната фарса од „борба” на власта со КОВИД-19 во која Македонија секојдневно ги брои мртвите и новозаразените, е врвот на најбезочниот акт на предавство што една квази влада може да им го приреди на своите граѓани.

Предадени, оставени на цедило, без реален концепт и стихијно донесени (најчесто погрешни) одлуки, македонските граѓани со своите животи ја плаќаат цената за неспособноста на современите домашни квислинзи Заев, Спасовски, Шеќеринска и секако Министерот за несправување со здравствената криза Венко Филипче кој поради својата арогантност и измеќарска желба да му се додвори на својот ментор Заев, од Македонија направи масовна гробница на Балканот.

Ако до сега Европа скришно ни се смееше поради распродавањето на националното достоинство и самообезличување, сега јавно и транспарентно не жали поради незапаметената некадарност на владата во справувањето со пандемијата! И додека граѓаните ги полнат гробиштата кои згора на се’ се заклучуваат на Задушница, измеќарските невладини организации за кои Заев тврди дека се негови, во време на полициски час ветуваат ваучери и делат пакети со храна за душа на страдалницата Македонија!

Најважно е дека карантинот не важи за Шеќеринска и Шилегов кои уживаат во дебелата пролетна свежина на Маврово, генсекот на СДС не поздравува од боровата шума на Берово, а Филипче го порачува новиот контингент лубриканти за кои сите заедно ќе платиме нови стотици илјади долари.

Мизеријата да биде поголема, додека Македонија пишти од несогледливите последици од лошите потези на власта под налетот на вирусот што не стивнува, Заев повикува на сплотеност?! Оној што претставува основа на разединетоста и разнебитувањето и е директно одговорен за стотици изгубени животи, повикува на сплотеност?!

Нема сплотување со неспособноста, безобразието и дезинтеграцијата на општеството! Сплотеноста е единствено можна околу согласноста за ургентна потреба од одговорност и изведување пред лицето на правдата! Тоа е единствената можна разврска од тригодишниот пекол во кој не втурна недоветното владеење на Заев и неспособниот кластер на власт.

Песочниот часовник на трпението кај Македонските граѓани истече! Правдата доаѓа!

Казната следува! Тоа е единственото што одроденото и неспособно раководство на СДС, денес го заслужува!