Членовите на СДСМ сами велат дека проблемите се зголемуваат, изворот на тие проблеми е Заев и мора да биде поразен
Тоа не го говори само ВМРО-ДПМНЕ, тоа не го говори само јавноста, туку за тоа се свесни и дел од членовите на неговата партија.
Последните информации кои излегоа во јавноста само покажуваат дека веќе ни членовите на СДСМ не веруваат во демократските капацитети на Заев и во неговите лаги за владеење на правото и подобар живот.
Јасно како дене се гледа султанизмот кој владее во СДСМ како и хибридниот режим во цела Македонија. Сите оние кои му пркосат ги јаде помрачина, а сите оние кои му се покорни се наградуваат. Шерифлукот кој владее во СДСМ ги направи сите оние кои се блиски до Заев да се чувствуваат над законот и над обичниот човек и мислат дека се што сакаат тоа може да го направат.
Зоран Заев е проблем и за СДСМ и За Македонија.
Како што велат во СДСМ „проблемите само се зголемуваат“ говори дека генератор на кризи и проблеми во Македонија стана Заев и кликата околу него. Проблемите на нашето општество се криминалот, корупцијата и хибридниот режим на Заев.
Македонија може да оди напред само ако изворот на проблемите, погазувачот на достоинството на народот и на државата си замине и да биде поразен, а тоа е лично и персонално Заев.
