СВЕТСКИ МАКЕДОНСКИ КОНГРЕС
ГЛАСАЊЕТО ЗА ВПИШУВАЊЕ НА СОФИСКИ ВРХОВИСТИ И КОЛАБОРАЦИОНИСТИ КАКО “ЕТНИЧКИ БУГАРИ” ВО УСТАВОТ НА ДРЖАВАТА МАКЕДОНИЈА Е ВО СПРОТИВНОСТ СО РЕФЕРЕНДУМИТЕ ОД 8 СЕПТЕМВРИ 1991 И 30 СЕПТЕМВРИ 2018 ГОДИНА, КАКО И СО МЕЃУНАРОДНОТО ПРАВО!
СВЕТСКИ МАКЕДОНСКИ КОНГРЕС за антимакедонска, антиисториска и антиуставна ја смета изјавата на министерот за надворешни работи Бујар Османи во интервју за порталот Прес24 дека: “Гласањето против уставните измени, значи игнорирање на обврските кои ги презела државата и со тоа, по завршувањето на скринингот, буквално по автоматизам ќе бидат блокирани преговорите.”
Антимакедонските, антисториски и антиуставни “обврски” на марионетската влада Заев/Ковачевски не се обврска на Македонскиот народ и на државата Македонија!
СМК смета дека тоа што марионетската влада Заев/Ковачевски превзела обврски во спротивност со одлуките на референдумите од 8 септември 1991 година и 30 септември 2018 година, суспендирајќи ја слободно изразената волја на народот односно граѓаните, не е демократија, туку најтешко кривично дело велепредавството, геноцид врз Македонскиот народ и злосторство против човештвото кое не застарува!
СМК повторува дека гласањето за внесување на софиски врховисти и колаборационисти како “етнички Бугари” во Уставот на државата Македонија претставува суспензија на одлуката на референдумот од 8 септември 1991 година и одлуката на референдумот од 30 септември 2018 година.
СМК потсетува дека речиси четири петини од вкупниот број запишани избирачи, Македонци по род и државјанство, на референдумот одржан на 8 септември 1991 година ГЛАСАА ЗА “суверена и самостојна држава Македонија” бе додавки и без придавки, одлуката на референдумот е задолжителна за сите без исклучок!
СМК потсетува дека речиси две третини од вкупниот број запишани избирачи, Македонци по род и државјанство, на референдумот одржан на 30 септември 2018 година НЕ ГЛАСАА ” за членство во ЕУ и НАТО со прифаќање на Договорот Димитров-Коѕиас” од 17 јуни 2018 година за промена на името на државата Македонија и идентитетот на Македонскиот народ!
СМК повторува дека гласањето за внесување на софиски врховисти и колаборационисти како “етнички Бугари” во Уставот на државата Македонија е во спротивност со основниот принцип на меѓународното право на “суверена еднаквост” што значи: взаемно разбирање и почитување, соработка со сите по сите прашања од заеднички интерес, немешање во внатрешните работи на суверените држави, и реципроцитет во меѓусебните односи!
СМК смета дека Бугарија грубо се меша во внатрешните работи на државата Македонија, отворено изразува територијални претензии и не ги признава името, јазикот, културата, црквата, историјата и територијата, идентитетот, континуитетот, наследството и просторот на Македонскиот народ кој е мнозински народ во државата Македонија и носител на државноста на Македонија!
“Етнички Бугари” во Албанија, Косово и Македонија НЕМА!
Впишувањето на софиски врховисти и колаборационисти како “етнички Бугари” во Уставот на државата Македонија го менува карактерот на народно-ослободителната и антифашистичка борба на Македонскиот народ за време на Втората светска војна, ја менува историјата на Македонскиот народ чие име е нераскинливо поврзано со името на државата Македонија!
Македонците, по род и државјанство, од сите делови на Македонија, во светот и татковината, отфрлаат впишување на софиски врховисти и колаборационисти како “етнички Бугари” во Уставот на државата Македонија!
Македонците, по род и државјанство, од сите делови на Македонија, во светот и татковината, бараат итно и безусловно еднострано раскинување на Договорот Заев-Борисов од 1 август 2017 година!
Македонците, по род и државјанство, од сите делови на Македонија, во светот и татковината, бараат итно и безусловно еднострано распуштање на меѓувладината заедничка македонско-бугарска комисија за ревизија на македонската историја!
Македонците, по род и државјанство, од сите делови на Македонија, во светот и татковината, отфрлаат заедничко македонско-бугарско чествување на значајни датуми, настани и личности од историјата на Македонија и Македонскиот народ!
Македонците, по род и државјанство, од сите делови на Македонија, во светот и татковината, предлагаат историско македонско-бугарско помирување и Договор за траен мир и добрососедство помеѓу Македонија и Бугарија, но врз основниот принцип на меѓународното право на “еднаква сувереност” што значи: взаемно разбирање и почитување, соработка со сите по сите прашања од заеднички интерес, немешање во внатрешните работи на суверените држави, и реципроцитет во меѓусебните односи!
СМК повторно укажува дека Македонското прашање не е малцинско прашање, и министерот за надворешни работи на Македонија Бујар Османи, поради конфликт на интереси, не може да ги решава македонско-бугарските односи, ниту да чествува датуми, настани и личности од историјата на Македонија и Македонскиот народ заедно со министерот за надворешни работи на Бугарија која не признава Македонски народ и држава!
Никогаш северна, само Македонија вечна од исконот до бескрајот!
