Со голема тага ја примивме веста за ненадејната смрт на Јовица Илиевски, градоначалник на Општина Брвеница, кој почина денес на 58-годишна возраст.
Илиевски беше човек посветен на својата општина и на своите сограѓани. Како градоначалник остави зад себе бројни реализирани проекти и дела што ќе останат траен белег во развојот на Брвеница.
Од 1999 година до ноември 2021 година беше вработен во ЈЗУ Клиничка болница Тетово, а на 11 ноември 2021 година беше избран за градоначалник на Општина Брвеница за мандатниот период 2021–2025. Претходно, во периодот од 2013 до 2017 година, беше член на Советот на Општина Брвеница.
Покрај јавната функција, активно беше вклучен и во спортот, како поддржувач на бројни спортски настани и иницијативи, оставајќи значаен придонес во спортскиот живот на општината.
Неговото заминување претставува голема загуба за семејството, пријателите, соработниците и за целата општина Брвеница.
Редакцијата на „Македонска нација“ изразува искрено сочувство до семејството Илиевски, неговите блиски, пријатели и колеги.
Нека почива во мир.
