„Талогот од СДС, кој сега глуми грижа за здравјето на граѓаните, собира политички поени и шири хистерија за водата за пиење, додека беше на власт и раководеше со институциите, не направи ништо за да ги реши проблемите.
Проблеми со квалитетот на водата за пиење имаше и во времето кога Венко Филипче беше министер за здравство, како и во текот на целиот период на владеење на СДС.
Документите од извршените испитувања, кои беа презентирани во јавноста, покажуваат дека во периодот на владеење на СДС и министерувањето на Филипче биле евидентирани случаи на небезбедна вода за пиење во повеќе населени места низ државата, меѓу кои и во Гостивар.
Но, препознатливиот талог од СДС, предводен од Венко Филипче, тогаш имаше поважна работа од грижата за здравјето на граѓаните и безбедноста на водата за пиење. Талогот од СДС беше зафатен со местење тендери, ограбување на државата и распродавање на сè што е македонско.
Зафатени со распродавање на националните интереси, претставниците на предавничкиот СДС немаа време ниту да ги известат граѓаните дека не треба да ја користат водата, ниту да преземат мерки за решавање на проблемите, ниту да повикаат некого на одговорност.
Ниту еден директор не беше разрешен или процесуиран од истражните органи, а ниту еден градоначалник не беше повикан на морална или кривична одговорност поради труењето на граѓаните со небезбедна вода за пиење.
Наместо да преземе конкретни мерки и да покаже отчетност, предавничкиот СДС дозволи проблемите да се натрупуваат, без граѓаните да добијат одговор што било преземено врз основа на наодите и анализите.
Денес истите политички актери се обидуваат да зборуваат за одговорност, иако токму за време на нивниот мандат не беа преземени соодветни чекори за санкционирање на пропустите.
Наместо да морализираат и да шират хистерија, талогот од СДС и предавникот Венко Филипче треба јавно да објаснат зошто со години немало институционална одговорност за случаите со небезбедна вода за пиење и кои конкретни мерки ги презеле за надминување на овие проблеми.
Граѓаните заслужуваат транспарентност, отчетност и еднаков пристап кон утврдувањето на одговорноста, без политичка селективност“, се наведува во соопштението на ВМРО-ДПМНЕ.
