Ај, нека помине малку време, Мицкоски да го реши ова со Алта банка и сите да ги имаат своите пари на слободно располагање, па ќе се свртиме кон еден друг случај:
Како Зоран Заев, со асистенција на неговиот советник Зоран Башановиќ, кој под притисок од Вучиќ се повлече од Србија и стана десна рака на СДСМ и Заев… Како Заев и тој се обидуваа да го исполнат ветувањето дадено на Бојко Борисов за купување на Комерцијална банка Скопје.
Тројца млади, навежбани Бугари и еден од бугарските социјалисти со македонско име во акција… Останатото кога ќе дојде време.
Од кого се барала помош за да не дојде до преземањето? Од некој што за Филипче и денес е ноќен кошмар. Комерцијална, на крај, успеа да се сочува од непријателско преземање.
Но Еуростандард не успеа. За да се спаси, им дадоа на партиските „бизнисмени“ сè што побараа. Од кредити без покритие, па сè што следи, и — добија стечај.
Ако ја урнеш банката и поставиш свој стечаен тим, тешко се доаѓа до трагите на ограбувањето. Со ова обвинителство, пак, никако нема да се дојде до траги за рекет и грабеж.
Потоа од ЕУ доаѓа абер — слаба борба против корупцијата! Е па слаба, од Брисел на Заев му ги одобруваа токму овие обвинители и судии, како и славното СЈО. Тие се одговорни за корупцијата.
Како што не успеа ни непријателското преземање на барем една од двете таргетирани национални телевизии. Во три национални телевизии Заев ги смени главните уредници, а веќе имаше избрано главен уредник за кога барем една од двете таргетирани ќе падне.
Избраниот главен уредник во најава влезе во Владата. Чекаше, чекаше и — не дочека.
Колку повеќе сегашниов „невладин“ СДСМ буричка за да предизвика проблеми што потоа ќе ги користи за свои цели, толку побрзо отвора скриени подруми и архиви што директно водат до поранешниот и сегашниот партиски шеф.
Не е само Дубаи.
Текстот ги изразува ставовите и наводите на авторот.
