На покана на Executive Travel Club, во елитниот клуб The Lobbs во Стокхолм, амбасадорот Кире Илиоски во име на Р.Македонија и сите земји од Балканскиот регион, се обрати пред педесетина шведски тур оператори и новинари од специјализирани магазини за патување, презентирајќи ги туристичките потенцијали на Балканот, со фокус на Р.Македонија.
Според амбасадорот Кире Илиоски, ,,осебно задоволство е да се презентираат туристичките и бизнис потенцијали на Р.Македонија и Балканот, нагласувајќи дека Скандинавските земји претставуваат приоритет за Р.Македонија и во таа насока се и бројните активности што Амбасадата и Владата на Р.Македонија ги преземаат во насока на зголемување на бројот на скандинавски туристи и инвестиции, што наиде на голем интерес и беше поздравено од присутните. Во таа насока и лично ќе го предводи Фам патувањето на петнаесетина најголеми шведски тур оператори и новинари во Р.Македонија,,.
“Беше задоволство да се биде домаќин на Македонија во нашиот Executive Travel Club и идејата на амбасадорот Илиоски да се претстави заеднички регионот во присуство на амбасадорите од соседните Балкански земји е брилијантна. Преку обраќањето и инвестиционите поволности што се нудат, успешно беше пренесена пораката за добредојде до членовите на овој особено значаен клуб и веќе добивме барања за организирање на прес патување во Македонија и регионот”-истакна Gisle Dueland, регионален маркетинг менаџер Turkish Airlines за Скандинавските земји.
Според Natasha J. Flodin, генерален директор на The Travel Collection, значително е зголемен интересот за Р.Македонија и токму сега е моментот да се донесе светот во убавата Македонија.
Присутните на настанот имаа можност да го вкусат македонското вино од вианрската визба Тиквеш и турските специјалитети.
Во организација на Амбасадата на Р.Македонија во Стокхолм и Turkish Airlines, беше организирана лотарија и беше доделена награда пакет аранжман за двајца во хотел Инекс Горица на преубавото Охридско Езеро и авионски превоз на релација Стокхолм-Скопје со Turkish Airlines.
