Дипл. Екк. Рубинчо Јованоски-Прилеп
Со наближувањето на судската завршница на случајот „Пуч“ и најавената кривична пријава на МВР за оддавање државна тајна, за донацијата од Израел за МВР, аболицираниот лидер на САДСМ, Господинот Зоран Заев, од ден на ден прави големи гафови. Последната негова грешка е оддавањето на строго доверливи информации во јавноста од состанокот на советот за безбедност, кој беше свикан од страна на Претседателот на Република Македонија, Господинот Ѓорге Иванов. На ваквата кукавичка политика на Господинот Заев, реагираа од кабинетот на претседателот, каде согласно деловникот на работа на советот за безбедност, аболицираниот лидер Зоран Заев, алијас „Бошко Буха“, потпишал изјава, со која се обврзува да не изнесува какви било информации од одржаната седница.
Па, така, во оваа прилика, Господине Заев, како обичен граѓанин кој лично е загрижен за моменталната политичко безбедносна ситуација во нашата земја, која Ви е целта со оддавањето тајни информации од Советот за безбедност и според која агенда работите? Друго прашање, кое ќе Ви го поставам е, зошто го откажавте во минута до дванаесет најавениот протестен марш на опозициониот блок на 9 мај. Имено на тој ден, кога Европа прославуваше 70 години од победата над фашизмот, нашите специјални безбедносни сили во Куманово водеа борба со, според сите анализи дадени од политички аналитичари, најозлогласената терористичка група на Балканот. Нашите безбедносни сили загубија 8 млади животи.
Исто така, со последната Ваша објавена бомба, за убиството на момчето Мартин Нешковски, на спонтаните собири на 5 и 6 мај, протестантите извикуваа „Убијци“ против македонските безбедносни сили. Исто така, по вторпат во рок од 4 дена по успешно завршената акција во Куманово, со повлекувањето на безбедносните сили од теренот, нашите бранители, беа повторно навредувани со зборовите „Убијци“.
Господине Заев, во една демократска држава, со сила не се добива власт. Напротив, насила се губат само човечки животи.
Господине Заев, во овие чувствителни моменти, не е важна политичката припадност, туку напротив, сплотеноста на секој лојален граѓанин на Република Македонија, без разлика на националната и верска припадност, во зачувувањето на територијалниот интегритет, мирот и стабилноста во Нашата земја.
Господине Заев, очевидно е дека добивте голема храброст за правење на глупи потези, со неодамнешната поддршка на Вашиот мецена Б.Ц., кој истиот Ве аболицира во 2008 година.
Господине Заев, мудроста на еден добар политичар е да го привлече своето внимание, кај обичниот електораат, каде со мудри потези, да му овозможи подобро утре, а не на сила и со не дај Боже жртви, да се дојде на власт.
