Дипл. Екк. Рубинчо Јованоски-Прилеп
Во политиката постои едно златно правило кое гласи: „Умешноста на еден сериозен политичар, кој сака да остане забележан во историјата, е да се повлече од политичката сцена кога е потребно. Во спротивно ризикува да биде препознаван како негативен лик“. Најеклатантен пример со ова правило е аболицираниот лидер на насјголемата опозициона партија на македонската политичка сцена СДСМ, Господинот Зоран Заев, алијас Бошко Буха.
Да одиме хронолошки со Неговите најголеми гафови на македонската политичка сцена.
– Во 2008 година е осуден на казна затвор за финансиска афера наречена ГЛОБАЛ, но благодарение на неговиот мецена Б.Ц., Кој во тоа време беше претседател на Република Македонија, беше аболициран.
– Видео снимка од партиски говор на зајчето пред своите сопартијци, каде нагласува дека, цитирам: Кога ќе дојдеме на власт живи луѓе ќе јадеме.
– Зоран Заев, алијас Бошко Буха, без ниту еден приговор за нерегуларности на изборниот процес, одлучи да не ги признава резултатите од последните одржани вонредни парламентарни избори.
Неговите пулени, народните избраници, обоени во плаво, почнаа да ја бојкотираат работата на законодавниот дом и со тоа настана политичка криза во нашата земја.
Аболицираниот лидер Зоран Заев, алијас Бошко Буха, почна да објавува во јавноста прислушувани разговори на личности од извршната власт, па така по долги натегања, под медијаторство на меѓународниот фактор, се договорија нови вонредни парламентарни избори, кои треба да се одржат на 24 април идната година.
Зоки и неговиот социјалдемократски политички естаблишмент, иако губат девет пати по ред, било да се работи за локални, парламентарни ли претседателски избори, во договор со актуелната власт, а повторно со посредство на меѓународниот фактор, се договорија да се постават два технички министри и тоа за внатрешни работи и труд и социјала и тројца заменици во министерствата за финансии, информатичко општество и администрација и во министерството за земјоделство.
Договорено беше тоа да бидат технички министри и заменици-министри, ама не обоени во плаво. Но Зоки си даде автогол. Па така зајчето си постави свои најблиски членови да седнат во високите позиции на петте гореспоменати министерства.
Тоа е добро, од причини што, Зоки, на евентуален десетти изборен пораз, вината конечно нема да ја бара кај противникот, туку во таков даден момент, треба веднаш да ја напушти македонската политичка сцена.
Друг голем гаф на Зоки Зајчето е неговата сомнителна Заева тендерска пајажина во неговата родна Струмица и видео снимката, каде самиот бара паричен надоместок во баснословни износи, изразени во илјадници евра, за легализација на државно земјиште.
Зоки, Те трпиме неколку години на македонската политичка сцена и ќе смогнеме сили да ги слушаме твоите глупости и да ги гледаме твоите политички кардинални грешки уште неколку месеци.
Те молам, во април идната година, ако добиеш чиста десетка во поглед на изборно фијаско од македонскиот електорат, те молам, со спортски жаргон кажано, обеси ги копачките и напушти го теренот.
