Рубинчо Јованоски
Сакаме избори е секојдневната парола на опозициониот лидер Зоран Заев, алијас Бошко Буха е лиферувана во печатените и електронските медиуми. Но, за жал кога ќе се постигне договор за тајмингот на одржувањето на новите вонредни парламентарни избори со актуелното владејачко мнозинство на чело со ВМРО ДПМНЕ и со директно непосредно посредство на Меѓународниот фактор, се бара пролонгирање на изборниот процес.
Во оваа прилика еве една мала рекапитулација на политичката клима во нашата земја.
Опозициониот СДСМ на чело со струмичанчето од село Муртино не ги признаваше резултатите на последно одржаните вонредни парламентарни избори, каде неговите сопартијци беа во буквална смисла на зборот декласирани по 9-ти пат едно по друго од актуелното владејачко мнозинство на чело со ВМРО ДПМНЕ.
Народните избраници обоени во плаво го бојкотираат своето учество на пленарните седници во Законодавниот дом. Бомбашот Заев кога не успеа на зелена маса да формира преодна влада почна во јавноста да објавува т. н. “бомби“, а тоа беа снимени разговори на луѓе од извршната власт.
На таков потег може да се “дрзнат“ само кукавици кои не и мислат добро на сопствената држава, од една и аналогно на тоа на сопствениот народ од друга страна.
Зајчето се надеваше дека со т.н. “бомби“ ќе се зголеми рејтингот на неговата партија кај македонскиот електорат. Но, за жал тоа негово сценарио не му успеа. Бомбашот Заев издејствува со помош на меѓународниот фактор да се постигне јунско-јулски Пржински договор каде беше прецизиран датумот за одржување то на вонредните парламентарни избори (24 април 2016 година).
Народните избраници од редовите на здружената опозиција на чело на СДСМ се вратија во Законодавниот дом.
СДСМ доби 2 министерски и 3 заменик-министерски места, а на 100 дена пред изборите (15 јануари 2016 година), актуелниот премиер на нашата земја Г-динот Никола Груевски си даде оставка и со тоа се формира техничка Влада за одржување на фер и демократски избори на чело со техничкиот премиер Емил Димитриев.
Се формира нов состав на Државната изборна комисија на чело со близок човек на СДСМ.
Во овој период според сите истражувачки агенции на Јавното мислење во поглед на изборниот процес резултатот е во апсолутна доминација на актуелното владејачко мнозинство на чело со ВМРО ДПМНЕ и неговата здружена коалиција.
Бомбашот Заев бара да се пролонгира датумот за избори оти немало според него време за пролистување на избирачкиот список и регулација на медиумите.
По долги преговори ВМРО ДПМНЕ попушти по кој знае кој пат и изборите се презакажани за 5 јуни оваа година.
Г-дине Заев пролонгирањето на изборите за 40-тина дена нема ништо да промени во поглед на евентуалниот нагорен рејтинг на Вашата партија на македонската политичка сцена.
Но, за жал Вие само ја проблематизирате политичката криза настаната од Ваша страна на македонските простори. Во вакви околности може само да има забавување на влез на свеж странски капитал во слободните економски зони кои ги има во импозантен број на македонските простори. Тоа е само погубна политика со далекусежни последици.
Најдобар лек во овој момент е Вие да си заминете што е можно побрзо од македонската политичка сцена.
Дипл. Екк. Рубинчо Јованоски од Прилеп
