Георги Малковски
Да се биде Вмровец е најпрвин света работа, пркос и одважност, а потоа и гордост со вградено чувство дека сме припадници на нешто големо, трајно, историско и безвременско.
Големо ни е името на нашата држава Македонија, исто како што е големо и името на нашето ВМРО. Затоа, како што кажал македонскиот поет со светско реноме, Блаже Конески, ќе сакаат да ни го земат и да ни го уништат. За жал, сето ова се случуваше сите овие изминати пет години во Република Македонија од страна на моментално владеачката партија на СДС и нејзиниот лидер Заев.
Во името на некакви добрососедски односи се започна со раскрчмување и лицитација на се што е вредно и македонско, од историја, култура, јазик и економија. Така, полека, но сигурно, Република Македонија стана заробена држава, во која СДС единствено се грижеше за економски криминал, уништување на македонското име и, на крај, за уништување на партијата на ВМРО-ДПМНЕ, единствениот политички субјект кој застана во одбрана на се што е македонско во Република Македонија.
Претседателот Христијан Мицкоски, веднаш по неговиот избор за претседател на ВМРО-ДПМНЕ, ја започна епската борба за да го зачува името и целовитоста на партијата. Тој, го започна трнливиот пат со изјави и јавни настапи за тоа како да си ја сакаме ВМРО-ДПМНЕ и татковината, како да бидеме непокорни пред неправдите и како драматично да се бориме за достоинствено да живееме под теророт на СДС и Зоран Заев.
Тие, пет години се трудат да го понижат ВМРО-ДПМНЕ и сите нејзини членови, а тие се погорди стануваа, за на карјот овој пркос да победи. Затоа Македонци и Македонки, членови на ВМРО-ДПМНЕ, ветераните на ВМРО-ДПМНЕ ве повикуваат дека конечно дојде времето да си ја вратиме Република Македонија, да ја тргнеме темната завеса од политички задкулисни игри на овие одродници и, повторно да татнат и силно да се слушаат аплаузите на гордите Македонци по плоштадите, градовите и селата и на секое друго место кога при секое одбележување на настани по било кој повод, се гледаа насмеаните лица и радоста во очите на сите присутни.
Ветeрaните на ВМРО-ДПМНЕ, на чело со претседателот Христијан Мицкоски, со целиот Извршен Комитет и со целиот македонски народ, конечно ќе продолжат да се борат и ќе се изборат да ја тргнат наталожената прашина од сегашната состојба на безизлезност и бесперспективност и да застанеме простум пред саможртвите на исконското ВМРО и на сите македонски херои од најстари времиња до денес, за повеќе никој да не ги заборави и да не дозволиме да догори свеќата пред вечноста на нашата мила и сакана Република Македонија.
Ние, заедно со лидерот на ВМРО-ДПМНЕ, Христијан Мицковски, со членовите на ИК и со сите членови на Партијата, ќе работиме и ќе се бориме Македонија повторно да стане горда држава и земја на просперитет и развој, земја од која нема да има иселувања, земја во која судството, обвинителството и полицијата нема да бидат ничија своина. Ова македонскиот народ го заслужува во неговиот опстој се додека светот светува и векот векува.
Затоа, ветераните на ВМРО-ДПМНЕ повикуваат: Создади нова иднина, промени, проекти, победи.
ДА ЖИВЕЕ ВМРО-ДПМНЕ, ДА ЖИВЕЕ РЕПУБЛИКА МАКЕДОНИЈА.
