Ацо Македон Крстески
Колку повеќе Македонија чекори кон Европа, толку повеќе Европа се оддалечува од сопствените вредности.
Не е проблемот само Бугарија. Проблемот е Европа.
Европа која дозволи историски и идентитетски прашања да станат алатка за блокирање на народ. Европа која гледа, молчи и чека.
Европскиот суд за човекови права носи пресуди во корист на Македонците во Бугарија со години. И резултатот?
Ниту еден збор. Ниту едно дело.
Пресудите постојат на хартија. А хартијата трпи сè.
Кога членка на Европската Унија едноставно одбива да ги почитува, механизмот молчи. Системот се прави дека не гледа. Европа погледнува на страна.
Токму тоа и е кризата. Не бугарска. Европска.
Германскиот политичар Michael Roth јавно рече тоа гласно: злоупотребата на ветото ги уништува темелите на европската идеја. И е во право.
Каква Европа е тоа каде еден народ во 21 век мора политички да докажува кој е?
Каде мора да се брани на свој јазик, пред туѓ суд, за свое постоење?
Тоа не е европска иднина. Тоа е средновековна логика во современа облека.
Ако европските принципи не важат за сите подеднакво, тогаш Европа нема морално право да држи лекции на никого.
