Повик за протести на 8-ми Септември на Македонците во цел свет од Македонска Глобална Координативна Мрежа

Драги браќа и сестри по род, ген, судбина и убедување.

Се ближи 8 ми Септември , датумот на кој што ние Македонскиот народ ширум светот пред 28 години со огромно мнозинство го изговоривме историското “ ДА “
на слободен и демократски распишан Референдум за Независна и Суверена Република Македонија .

Од тој судбоносен ден поминаа точно 28 години полни со многу настани од судбинска важност за нас како Македонски Државотворен Народ .

28 неизвесни години ние сме сведоци на еден незапирлив процес на постојано губење на државната независност, името, идентитетот, јазикот, историјата , територијата и културата што со иљадалетија не означувала и не дефинирала како Македонци со своја посебност во Европа и светот.

Тој процес на обезличување го доживеа својот неславен врв со доаѓањето на власт на Зоран Заев , неговата политичка партија СДСМ и нивната коалиција со ДУИ .
Долга е листата на нивните велепредавства со нелегално и нелегитимно доаѓање на власт, преку сурово и безпримерно кршење на уставот , законот и институциите на власт , преку потпишување на “договори” , “ спогодби” и “ платформи “ со кои македонската сувереност , историја, јазик и култура им беше понижувачки предавана и продавана на нашите соседи .

“ Преспанскиот Договор” е вулканот чија што пепел наполно ја покрива и брише Македонија од историјата и мапата на Европа и светот.
Направена е една нова , вештачка и патолошка творба “ Северна Македонија “ без име, без идентитет, без јазик , без и сторија, без лице, без чест и без достоинство .

Таа срамна творба Заев и неговите подржувачи се обидуваат да ја наметнат и дома и во светот со тоа што ,меѓу другото , ќе “слават “28 години од “ Северна Македонија “ низ сите дипломатски претставништва, мисии, конзулати и институции во светот.
Ние тоа не смееме да го дозволиме по никоја цена и затоа ве повикуваме во здружен и заеднички ОТПОР и ПРОТЕСТ против овој понижувачки чин.

Ве повикуваме до каде што ве има низ светот , на 8 Септември да излезете масовно пред сите “ институциите” на таа наметната вештачка творба со што ќе покажете дека не ја признавате , не ја прифаќате и дека ќе работите со сите сили ,заедно со сите нас , да ја обориме таа гнила држава, таа мафијашка власт и да ја вратиме честа и достоинството на Македонија во светот како што историски и прилега !

ПОМНИТЕ и не заборавајте дека молкот не прави соучесници во ова време – невреме, во ова незапамтено историско зло!
ПОМНИТЕ и не заборавајте дека нашето славно минато и крвта и жртвите на нашите претци не обврзуваат да се дигнеме на величието на името
МАКЕДОНИЈА !

Да им покажеме на домашните велепредавници и нивните белосветски покровители дека:
“ Никогаш нема да дозволиме да живееме во свет во кој што ја нема Македонија!”
“ Никогаш нема да дозволиме да живееме во Македонија во која го нема Македонскиот Народ.”
Дека сме биле и пред тие сите да бидат , и дека ќе бидеме и кога нив ќе ги нема!

“ Ќе Истраеме и ќе Победиме!”
Не постои сила на светот што ќе го победи нашиот Македонску Дух .

На Многаја Лета Славному Народу Македонскому !

21-ви Август 2019 Женева, Швајцарија

Македонска Глобална Координативна Мрежа ( Тело)