Забегана работа: во процес на технички период на Владата, одредени поединци – Раководни лица на Фондот на Холокаустот на Евреите од Македонија сакаат да се постават во иднина над Владата и сами да си донесуваат одлуки за членови на Управен одбор.
Според документите, кои ни беа доставени на увид, јасно се забележува тенденцијата дека со Еврејските пари, некој е заинтересиран да основа трговски друштва, да има потполна контрола, без никаква ревизија и да донесува самостојни одлуки.
Документите укажуваат и на основање на внатрешна комисија, која ќе ги проценува способностите на членовите на Управниот одбор, кои во иднина ќе бидат предложени од новата Влада. А особено е загрижувачки членот во новиот Предлог Статут со кој, сегашните членови на УО сами си го продолжуваат мандатот во рок од 4 години, додека за главниот извршен директор не е ставен член за мандат, а истотака неговите ингеренции се зголемени.
Особено е истакнато дека поранешни вработени од Фондот на Холокаустот на Евреите од Македонија, не смеат да бидат членови на Управниот одбор, со што се докажува и диксриминација, па оттука и доаѓа јасно зошто клучниот дел од вработените ги напуштија своите работни места пред неколку месеци.
Фондот на холокаустот на Евреите од Македонија е основан од Владата на Р. Македонија и Владата конечно треба да размисли за ревизија на финансиите за постојаната поставка, која беше отворена во март, минатата година.
Македонска нација
