На 16 септември 2010 година Меѓународниот астрономски сојуз официјално го одобри името Ohrid Lacus за едно од езерата на Титан, најголемата месечина на Сатурн. Името е дадено според Охридското Езеро во Македонија, најстарото природо езеро во Европа.
Со ова, името Охрид стигна и на картата на Сончевиот Систем.
Ohrid Lacus се наоѓа во северната поларна област на Титан, на околу 71,8 степени северна ширина и 221,9 степени западна должина, а неговиот пречник изнесува приближно 17,3 километри.
За разлика од Охридското Езеро на Земјата, во кое има вода и исклучително богат жив свет, езерата на студениот Титан се исполнети со течни јаглеводороди, пред сè метан и етан. Температурите на површината на Титан се околу –180 °C, поради што овие материи можат да постојат во течна состојба.
Така, од 16 септември 2010 година, името на Охридското Езеро не е запишано само на географските карти на Земјата, туку и на картите на далечниот Титан – небесно тело оддалечено повеќе од една милијарда километри од нас.
Тоа е необично и убаво признание за едно од најголемите природни богатства на Македонија – Охридското Езеро.
