Ова е доказ дека Владата ја насочува енергијата кон конкретни капитални инвестиции, а не кон празни ветувања. Фокусот е ставен на изградба и модернизација на автопати, експресни патишта, железничка инфраструктура, училишта, болници, како и на инвестиции што треба да донесат нови работни места и подобар животен стандард.
Активностите на Владата се гледаат преку повеќе области: инфраструктурни проекти што ги поврзуваат регионите, реконструкција и изградба на локални патишта, енергетиката, вложувања во образованието преку подобри услови за учениците, поддршка за здравствени установи, како и создавање услови за домашни и странски инвестиции.
Пораката на премиерот е дека државата не може да оди напред со оправдувања, туку со работа на терен, со реализација на ветеното и со проекти што граѓаните ќе ги видат и ќе ги користат.
„Сакаме да бидеме запаметени по проекти, по автопати, експресни патишта, железници, училишта, болници и инвестиции што ќе останат позади нас. Тоа е нашиот одговор на сите оние кои со години само ветуваа.
Продолжуваме со работа, продолжуваме со капитални инвестиции и продолжуваме да градиме држава што ќе се движи напред“, порача Мицкоски.
