Општинскиот комитет на ВМРО-ДПМНЕ во Гостивар утре, 18 август 2026 година, ќе одбележи 36 години од своето основање.
Свеченоста, која ќе се одржи во ДТВ „Партизан“ со почеток во 18:30 часот, ќе биде можност членовите, поддржувачите и пријателите на партијата заеднички да го прослават јубилејот на гостиварскиот Општински комитет.
Настанот се одржува под мотото „Заедно низ годините, заедно за Гостивар“, со кое се истакнуваат долгогодишната посветеност, единството и работата во интерес на граѓаните.
„Овој ден е симбол на нашето заедништво, посветеност и силата која ја црпиме од заедничките вредности и идеали. Низ годините со вера, работа и единство покажавме дека кога сме заедно можеме да постигнеме големи дела“, се наведува во поканата.
Од Општинскиот комитет порачуваат дека прославата ќе биде посветена на досегашните успеси, пријателството и заедничката енергија која ги поврзува неговите членови.
