Години неисполнети ветувања, погрешни политики и изгубена доверба ја оддалечија партијата од граѓаните.
Венко Филипче повторно се обидува да продава приказни и да шири паника меѓу земјоделците, како граѓаните да заборавиле што оставија зад себе тој и СДС по заминувањето од власт.
Истите тие што денес држат лекции за земјоделството, со години ги оставаа земјоделците без исплатени субвенции. Кога СДС ја напушти власта, останаа неисплатени обврски за 2020, 2021, 2022 и 2023 година. Илјадници земјоделци со месеци и години чекаа на парите што законски им припаѓаа, додека владините функционери убедуваа дека сѐ е во најдобар ред.
Затоа денес граѓаните имаат право да прашаат: каде завршија парите што требаше да бидат исплатени на земјоделците? Додека земјоделците чекаа субвенции, дел од поранешните функционери купуваа скапи станови, живееја во луксуз и патуваа низ светот. Наместо одговори, јавноста добива политички настапи и нови обиди за манипулација.
Фактите се немилосрдни. Владата предводена од ВМРО-ДПМНЕ веднаш по преземањето на одговорноста започна со расчистување на хаосот што го остави СДС. Само во периодот од 27 јули до 31 декември 2024 година беа исплатени близу 4 милијарди денари за заостанати обврски. Дополнително, исплатени се 350 милиони денари за неисплатени плати на вработените во ЈП Национални шуми и АД Водостопанство.
Вкупно, од 27 јули 2024 година до денес, исплатени се речиси 14 милијарди денари за заостанати и тековни обврски кои граѓаните и институциите ги наследија од владеењето на СДС.
Наместо да се обидува да собира политички поени врз грбот на земјоделците, Филипче треба да одговори на неколку многу конкретни прашања.
Зошто токму во времето на СДС во Законот за вино беше вметната одредба со дополнителни 8 проценти кои денес винариите им ги одбиваат на лозарите?
Зошто СДС со години не изработи методологија за пресметка на производните трошоци за килограм винско грозје, а Владата предводена од ВМРО-ДПМНЕ тоа го направи за само 18 дена?
Зошто земјоделците беа оставени сами да се снаоѓаат додека институциите молчеа и ги одложуваа нивните барања?
Токму затоа лагите повеќе не поминуваат. Граѓаните добро паметат кој ги остави долговите, а кој ги сервисира. Добро знаат кој ги ветуваше субвенциите, а не ги исплаќаше. Добро знаат и кој денес работи на решавање на проблемите што со години биле туркани под тепих.
Резултатите во земјоделството се видливи и мерливи. Земјоделците денес имаат партнер во Владата предводена од ВМРО-ДПМНЕ и знаат дека нема да бидат оставени сами, како што беа во времето на СДС.
Политичките прес-конференции можат да создадат дневна врева, но фактите остануваат. А фактите не се на страната на Филипче и СДС.
