Реакција на прес-конференцијата на СДС
Политичкиот прогон што поранешната власт на Венко Заев и СЈО, предводено од Катица Јанева, го водеа против ВМРО-ДПМНЕ, конечно го доби својот епилог.
Случајот што го водеше Ленче Ристоска, и покрај тоа што имаше седум години да го заврши, остана заробен во политички конструкции и правни лавиринти.
Со падот на случајот, правдата конечно е задоволена, а се потврди дека станувало збор за политички монтиран процес чија цел не била утврдување на вистината, туку прогон на функционери на ВМРО-ДПМНЕ и создавање политички притисок во периодот кога се спроведуваа процесите за промена на името на државата.
СДС може секојдневно да одржува прес-конференции и да зборува за наводна контрола врз судството, но граѓаните добро паметат кој во минатото беше алфа и омега во правосудниот систем.
Јавноста не заборава кој вршеше политички притисоци, кој посочуваше кои лица треба да бидат предмет на судски постапки и кој ги користеше институциите за пресметка со политичките противници.
Тој период ќе остане запаметен како време во кое правосудството беше ставено во функција на политичките интереси на тогашната власт, а случаите против ВМРО-ДПМНЕ беа користени како средство за притисок, дискредитација и прогон.
Денешните обиди на СДС да се претстави како заштитник на независното судство не можат да ја избришат одговорноста за политичките процеси што беа водени во минатото.
Граѓаните паметат, а колективната меморија не може да се избрише со прес-конференции, обвинувања и политички спинови.
