Македонска Нација
Ова прашање не смее да се претвори само во уште една партиска прес-конференција. Ако СДС навистина сака да им помогне на струмичките производители, тогаш треба јавно да ги повика и големите преработувачи и откупувачи од регионот да кажат по која цена откупуваат и како ја формираат таа цена.
Меѓу познатите компании во овој сектор е „Тргопродукт“, препознатлив преку брендот „Мамас“. Во јавноста компанијата се поврзува со членови на семејството Заеви, а Радио Слободна Европа наведува дека како сопственици на „Мамас“ се појавуваат Бобан Заев и братучед на поранешниот премиер Зоран Заев.
Оттука, тврдењето дека самиот Зоран Заев е непосреден сопственик треба прецизно да се докаже, но политичките и семејните врски се доволна причина јавноста да побара целосна транспарентност.
Потребни се јасни одговори: Колкави количества ајварка откупуваат големите компании?
По која почетна и крајна цена?
Дали меѓу откупувачите постои координација што ја турка цената надолу?
Колкава е разликата меѓу сумата што ја добива производителот и цената на финалниот производ?
Овие прашања се особено важни затоа што во јавноста веќе беа објавени фотографии и партиски обвинувања за престојот на Зоран Заев и Венко Филипче на јахта во Егејското Море.
Двајцата ѝ должат на јавноста одговор за околностите и трошоците на таквото патување, особено кога нивната партија настапува како заштитник на граѓаните погодени од економската криза.
Наместо СДС да испраќа соопштенија до Владата и да се струди да собира политички поени врз маката на земјоделците, нека побара од сите големи откупувачи, вклучително и од компаниите поврзани со семејството Заеви, јавно да се изјаснат дали се подготвени да платат над 50 денари за килограм. Тоа би било конкретна помош. Сè друго е политички театар.
Струмичко не смее да се претвори во регион од кој младите ќе заминуваат затоа што некој го обезвреднува нивниот труд.
Вистинскиот патриотизам не се мери со партиски соопштенија и фотографии од луксузни летувања, туку со чесен однос кон луѓето што ја обработуваат македонската земја.
