Македонска Нација
По последното официјално соопштение на СДС, во кое граѓаните беа наречени „идиоти“, оправдано се поставува прашањето: дали СДС сè уште дејствува како македонска партија или некој ја насочува да работи против сопствениот народ и против интересите на Македонија?
СДС го проби политичкото дно. Наместо да покаже почит кон граѓаните од кои бара доверба, раководството на партијата продолжува со навреди, потценување и арогантен однос кон народот.
Дали во СДС воопшто има кормилар и каде ја води партијата ваквиот однос кон граѓаните?
На СДС, очигледно, сè му пречи. Му пречат прославите на независноста, му пречат напредокот и развојот, а сега го допре дното со навредување на граѓаните.
Се добива впечаток дека единственото нешто на кое СДС знае да се радува е неуспехот на Македонија.
По ваквите изјави, повеќе не станува збор само за политичка неодговорност, туку и за целосно отуѓување на партиското раководство од сопствениот народ. Партија што ги навредува граѓаните не може да очекува тие да ѝ ја подарат својата доверба.
Граѓаните гледаат, паметат и добро знаат да проценат кој ги почитува, а кој ги потценува. Токму поради ваквиот арогантен однос СДС сè повеќе исчезнува од политичката мапа и останува на маргините на политичкиот живот во Македонија.
