Пишува: Јанко ТОМОВ
Повеќето интересни реакции за веста во електронскиот весник „Македонска нација“ од 9 јануари 2013 во врска со “Руската изложба за Александар во Сиднеј”, која се одржува од 24 ноември 2012 до 28 април 2013 година, во познатиот музеј на Нов Јужен Велс, Австралија, со почит се насочени кон ангажираноста на авторот, а од страна на автори на слични македонски дела или интелектуалци со високо разбирање на македонската историја. Заинтересираните Македонци за такви и слични историски и актуелни национално-политички теми, кои се праќаат по стотици електронски пошти во светот, дефинитивно заслужуваат признание. Нивните размислувања или објавени авторски дела, заслужуваат внимание, да се информираат сите кои работат на исти или слични дела и тоа да послужи за стимулирање на оние кои во иднина размислуваат да се посветат на слични творби, што е од драгоцена помош за македонската историографија и македонската кауза во целина.
Според Кирил Панајотов, редактор на изданието “Писма од Македонија”, публикувана во 2012 година за автентичните денови на Македонците во Македонија во периодот на Хуриетот во 1908 година, донесен од Отоманското царство, вредно е да се стимулираат вакви македонски автори и да им се даде шанса за промоција на нивните дела. Во целост го објавувам неговото писмо:
„Почитуван г-дине Томов, секоја чест за енергијата и посветеноста за македонштината која ја негувате. Токму заради тоа Ви ја посочувам претпоследната работа која ја работев (не знам дали дошло до Вас), а тоа е редактираното издание на „Писма од Македонија“ која минатата година излезе од печат на македонски литературен јазик и моја редакција. Инаку станува збор за ретко дело кое е објавено во 1916 година за првпат, а се однесува на 1908 и Хуриетот во Македонија, настаните поврзани со него и последиците (период кој од книжевен аспект не е третиран кај нас). Во неа до сега има невиден опис на Скопје, Велес, Штип, Битола, Прилеп, Ресен, Охрид, Воден и Солун во светлина на бурните настани 1908. Описот за Солун опфаќа некои 200 страници. Промоција на делото направивме во Порта Македонија и реакцијата е фантастична. Ќе Ви прикачам корица од истата и Ви препорачувам да ја прочитате. Убеден сум дека ќе ве воодушеви“.
Поздрав!
Панајотов
__________________________________________________________________________
Од 14 Јануари 2013 по повод написот во „Македонска нација“: “Руската изложба за Александар во Сиднеј”, го добив следниот е-маил, од македонски интелектуалец, заинтересиран за македонската судбина:
“Драги Јанко,
На ова морам да реагирам.
Во времето на турското владеење во Македонија, покрај Англија, Франција и Германија во плановите за распарчувањето на Македонија, учествувала и царска Русија, веројатно заради тогашните ама и сегашните империјални намери и планови. Затоа, не се за верување и покрај тоа што Русите ни се блиски по ген. А на се` што е англиско, не треба да му се верува.
Пред се`, за да се согледа вистината, потребно е да се навратиме само 180 години назад. Пред тоа време не бил дефиниран Гркот. Дури после тој термин, се` што било ХРИСТИЈАНСКО било ПРОГЛАСЕНО за Грк. ГРК не постои генетски, а лажењето не оди по генот, туку се учи на улица, во фамилија, а и од попови. Како што е Англија формирана со нивниот лажен крал Артур Пендрагон, кој го сместуваат во непостоечкиот камелот и му придодаваат 12 витези на тркалезната маса, па мечот Екскалибур, па принцот Валиант, па волшебникот Мерилин и триста други лажги, кои не можат да бидат историски потврдени… Така е и со Грција. После 1832 година, тие што ја добиле како подарок купената територија на Пелопонез, со делот на градот Атина и околијата, си земале за дрскост да пропагираат дека Грција постои, според виденото и претставено од нивните пропагатори и 5000 години пред Новата Ера. Пази, Австралија била некое време под англиската круна, и секако има се` уште силно англиско влијание. Затоа може да се протураат проанглиски и прогрчки пропаганди преку книгите и текстовите во нив, кои се претставени на изложбата.
Меѓутоа на нашите Македонци треба да им се достави дека Александар е МАКЕДОНЕЦ и не бил ништо друго. Во негово време имало Грци, како што сега има Галичани, Тиквешани, Овчеполци, Положани, Реканци, Мариовци… Во сегашна Македонија. И тогаш немало Грк по нација и ген. Истото важи и за сите што ја сакаат вистината. Кралот Артур Пендрагон е украдена личност кој во историјата е познат римски centurion, а покасно и cohortius, ако точно ги собрав фактите, но живеел во II век, и кога починал го закопале некаде во делот на Херцеговина – Далмација. Инаку го нарекувале уште и ARTURIUS MAGNUS MAXIMUS. Бил и некаков управител. И Англичаните веќе се двоумат околу него, ама Британија сепак постои врз митот за него создаден со корени во V – VI век, а живеел во II век. Тука ти пишувам за моделот на англиската лажга, која се пренесува дури и од Русите, преку оваа изложба.
Јас нема, за жал да имам прилика да ја видам директно, но ако има некој да ги сними артефактите-предметите што се по витрините, би можел да ги видам, (односно на тој начин да бидам присутен). Книгите не ме интересираат, бидејќи се сомневам во намерите на писателите, или “Боже им прости, не знаат што прават“. А што ако знаат што ни прават нам Македонците? Е тогаш нема простување. Што е со намерите на Англичаните со тоа што ни го сториле, што ја создале поделбата на МАКЕДОНИЈА, земајќи ги Французите, Германците и Русите, како извршители на својата идеја. Секако идејата и намерата постои и ден денешен, инаку на државата Грција би и било укажано да не признае без онолку градења кули од карти. Се` уште постои англиската намера и цел. Е таа намера треба да се открие и сруши. Се` додека низ книгите провејува дека Алксандар е Грк, а не МАКДОНЕЦ, ќе имаме многу работа“.
Поздрав
К.________________________________________________________________________
Г. Томов,
Ви благодарам за сите информации кои ми ги доставувате за Македонија, македонската нација и македонските активности. Не можам, а да не кажам, кое го чинам и на многумина, дека после јавните гласила од каде ние Македонците црпиме богати и изворни информации за себе, вие сте меѓу најуспешниот наш Македонец кој дава се` од себе, за себе, за нас големиот македонски и библиски народ.
Најискрено Ви благодарам. Сакам и лично да Ве запознаам. Ако имате прилика да доаѓате Канада или Америка, сакам да бидам информиран и ќе направам се` да се видиме.
И јас малку правам. Ќе ве запознаам со некои мои мали инвестиции за мојот народ.
1. Веќе преведов 14 библиски стрипчиња (библиски настани) кои ги издава Повардаската епархија, и тоа по 10.000 примероци од број. Покрај изворните и сликовити сознанија за библиски настани, последната книга “Свети Павле” кажува и за нас Македонците – за Македонија. Еве како сликовито е прикажано и објаснето: Четворица патници влегуваат во Македонија, Св. Павле со Св. Лука одат напред, прикажувајќи си помеѓу себе, додека зад нив ги пратат Св. Сила и Св. Тимотеј (за кого се кажува дека е Грк). И тие помеѓу себе си прикажуваат, Св. Тимотеј му вели на Св. Сила: -Добро е што го земавме со нас Лука, многу ќе ни помогне, тој му припаѓа на овој народ, го зборува нивниот јазик и е од нивниот менталитет. (Ова не е мое лично кажување, превод е, и е од англиски на македонски, додека оригиналот на овие стрипчиња е кинески).
2. Втората моја книга од 280 страници која се` уште не е издадена, чека ред, е „Земниот живот на Мајката Божја“. И тука, покрај богатите записи од апокрифни книги (кои ги има во црковните минеи, октоици, катавасии и други преданија) при крајот од книгата зборувам за Пресвета Богородица кога оди на покана од Св. Лазар на Кипар, бродот бил понесен од силна бура и пристигнал на полуостровот денешна Света Гора. Пишувачот на овој настан е долгогодишен монах на Света Гора од IX век, објаснува дека Таа се сретнала со Македонци на кои им проповедала за својот Син, направила чуда и покрстила многу Македонци. Од респект кон тие луѓе и нивниот прием Пресвета Богородица како што ветила и станала Покровителка на тој – македонскиот народ и земја.
Имам уште неколку обработени дела, но за нив во друга прилика.
Како и да е, нас ни е должност да дадеме се` од себе за својата земја и нација.
Поздрав и на понатамошна соработка“.
Фатер Митко Попоски
Janko,
ti blagodaram na zapisot od izloжbata vo Sidnej. Interesna novost. Ќe im ja prepratam na nekoi moi prijateli. Ubavo e da im ispratiш zapis i na nekoi drugi veb sajтovi i novini“.
Ivan Trposki, Sidnej
П. С.
Ви блгодарам на Вашите коментари и Ви посакувам афирмација од сите македонски организирани субјекти и од македонскиот народ, на сите Ваши дела кои се наменети за афирмација на македонската кауза.
Исто така ви ги испраќам сите записи од ѕидовите на музејот во Сиднеј од изложбата за Александар, воедно и сите видеа наменети за Александар, со коментари од различни историчари од Австралија. Тие Македонци кои го знаат добро академскикот англијски јазик, ќе добијат информации како организаторите на изложбата и нивните професори по историја, се приближуваат до историската вистина, но нешто ги спречува!? Исто така, тие македонски интелектуалци и наши пријатели можат да помогнат на македонски институции и поединци кои се бават со историски истражувања, публикувања на научни и стручни и информативни историски дела за македонската битност.
