Помагајте, треба да го зачуваме македонскиот јазик во НЈВ!

Македонскиот просветно училишен одбор за НЈВ, на 13-ти ноември 2015 година во прекрасниот амбиент во Emporium Reception во Bankstown во присуство на многу гости , родители и наставници ја одржа првата добротворна забава, со цел да се соберат средства за да се подобри и модернизира наставата по македонски јазик. Вечерта се прослави и матурската вечер на која им беа врачени дипломите на 17 матуранти за успешно завршено изучување на македонскиот јазик во средното училиште.

Покрај, студентите и родителите на забавата присуствуваа и: Амбасадорот на Република Македонија во Австралија, Г-от Веле Трпевски, конзулот во Амбасадата на Република Македонија во Канбера, Г-от Драган Богдановски, потпретседателот на Федерацијата за јазици на НЈВ, Г-от  Тиру Тирунантакамур, претседателката на Учителската асоцијација од Викторија, Г-та Љубица Талеска и учителката Г-та Гордана Јанинска од Мелбурн, директорката на Државните саботни училишта за јазици Г-та Ненси Морвило,координаторката за јазици при Средношколскиот училишен центар за јазици Когра, Г-та Анѓела Лирис, како и  претседателката на МПУО за НЈВ– Г-та Жаклина Михајлова.

Во своето обраќање до присутните, Амбасадорот Г-ин Веле Трпевски истакна дека „ е од примарно значење да се зачува македонскиот јазик, традицијата и културата , овде во Австралија. Затоа е многу важно да се изучува македонскиот јазик и да се овозможи модерна и интересна настава за учениците. Но, подеднакво е важно да се посети Македонија, за да се почувствува духот на корените…“
Вечерта големо изненадување предизвика доделувањето на наградата која ја доделува Македонскиот Просветно Училишен Одбор за НЈВ, – Авионска карта за Македонија, овојпат за најсреќниот матурант кој најмалку 5 години го изучува македонскиот јазик во средното образование. Среќата му се насмевна на Антонио Нешковски, кој ќе патува за Македонија бесплатно. Врачувајки ја Наградата, Госпоѓата Жаклина Михајлова , им посака успех на испитите на сите ученици.
Во пригодниот говор наменет за матурантите, меѓу другото таа истакна дека:“ Културата на еден народ се одржува преку јазикот и тој е единственото нешто преку кое можеме да ги пренесеме и задржиме нашата историја, култура и нашиот идентитет овде во Австралија. Вие носите две култури и тоа е големо богатство, вие имате големи вредности и притоа им помагате на луѓето околу вас овде во Австралија да дознаат која е Македонија.“ Потоа таа истакна дека“ Меѓу нашиве годинашни матуранти има идни доктори, професори, пилоти, инжењери… Некои од нив се веќе успешни во полето на својот интерес: Адријан Новак е иден доктор, кој тестот за медицина веќе го положи успешно и е во првите 10 проценти на кандидати, Деспина Велеска е австралиски првак во карате, учесник на светско првенство во карате, дакс во нејзиното средно училиште во Хокстон Парк, а таа е веќе и сопственик на карате клуб во Сиднеј, Бил Ефтимоски е иден режисер и филмаџија, а македонскиот јазик го завршува една година порано од своите врсници. Убедена сум дека и во сите други матуранти лежат скриени таленти што допрва ќе испливаат на површина. Ние, Македонците сме домородци на светот и имаме света крв. Затоа примарно е да си ги зачуваме корените и јазикот, наш македонски.“, истакна Михајлова. Новата генерација македонски матуранти со гордост ги истакнаа Дипломите, искажаа искрена благодарност кон своите учители и изјавија дека ова е почеток на нивните нови походи кон повисоките образовни институции ширум Австралија.

Во забавниот дел на вечерта настапија членовите на елитната фолклорна група на МКУД „Илинден“ од Сиднеј. Тие со својот беспрекорен настап и со уметничката кореографија на традиционални ора и песни ја ввоодушевија публиката.

Благодарност беше упатена до сите учители кои неуморно работеа и придонесоа оваа вечер да биде успешна.

 Вечерта свиреа членовите на “Група без име“ кои забавата ја направија незаборавна и весела.

Матуранти 2015

Од Центарот Bankstown: Деспина Велеска, Нина Трифуновска,Илчо Марковски и Кристина Тасевска.

Од Центарот Kogarah: Адриан Новак, Ана Марија Бојчевска, Ангела Макреска, Ангела Исајловска, Ангелина  Климоска,Антонио Ѓорѓијовски, Антонио Нешковски, Бил Ефтимоски,Кипријан Ѓоргиевски, Стефани Ангеловска и Татјана Врглеска.

Од Центарот Smith Hill: Мајкал Трпчески и Кристијан Крцоски

Им честитаме!

Донации за македонскиот јазик можат да се уплатат на:

PAYMENT METHODS

DIRECT DEPOSIT

Account Details: Macedonian School Council

Please ensure your surname and initial(s) are on your transaction description.

CHEQUE

Payable to Macedonian School Council and posted to: PO Box 164 Rockdale NSW 2216