Минатиот петок, 28 април, во просториите на Македонскиот културен центар „Илинден“ во Рогдаел (Сиднеј) се изведе премерата на драмата Изненадувачка забава од Стефо Нанцу во изведба на реномираниот Австралиско македонскиот театар од Сиднеј.
Како и што беше најавено, преставата беше наменета за помладата гледачка бублика по повод Неделата на младите, но исто наменета за сите генерации со теми тесно поврзани на македонските семејства во Австралија: културната изолираност, конфликт во семејството, притисокот врз младите, економските тешкотии, гордоста за своето име, јазик и нација… Драмскиот писател и режисер кој исто така се појавува како глумец во повеќе улоги, Стефо Нанцу, донесе свежина на сцената со приклучување на седумнаесет актери од 7 годишна до 60 годишна возраст, актери од македонска и друга националност, само да се долови мултикултурниот дух во кој се живее во Австралија. Во еден мозаик на секојдневни збиднувања се следи животната приказна на Кирил (Антонио Нешковски), неговата сестра Кристина (Стефани Тодоровски) и малиот брат Кристиан (Стефан Нешковски) во семејството каде владее конфликт помеѓу Мариа (Гордана Милошевска) и Луи (Зоран Гулабовски). Во целата таа конфузија на секојдневната „борба“ да се задоволат потребите на сите членови во семејството се појавуваат дедо Борис (Васко Србиновски) и баба Лена (Илдико Кис) кои се обидуваат да ги „решат“ проблемите во семејството.
На прв поглед изгледа дека семејството се распаѓа се додека не се дознае животот на другите семејства, како на Оска (Ребека Осаливан) и траумити на Бинг (Изабел Џордан) низ кои поминуваат некои млади во Австралија и секојдневните семејни разочарувања на Ребел (Софиа Тудмен) и успесите на Даш (Мајкал Кулевски), а и животните сонови на постарите како на Мила (Јаворка Котевска), а сето тоа преку интеракцијата на пешачкиот премин каде грижителот/заштитникот а и набљудувачот на луѓето кои ги делат своите проблеми со Алекса (Валентина Апостоловска) дознаваме дека љубовта кон луѓето во средината во која живееме е битна за нашата егзистенција.
На многу природен и професионален начи ги интерпретираа своите карактери, како пример би ја спомнал наставничката Г-ѓа Стил (Марика Кулевска), Татјана Нешковска во улогата на Заклинда покажа дека е изврсна актерка иако по втор пат е на сцена како и Ан-Марие Вајлс во улогата на Бронвин која после повеќе години се врати на сцена и Илдико Кис со голем професионализам ја изигра/трансформира улогата на баба Лена. Младите Стефани, Стефан, Софиа, Мајкал Ребека и Изабел иако за прва пат се на сцена покажаа дека имаат голем артистички/глумачи потенцијал за кои доправа ќе слушаме, посебно би го спомнал седум годишниот Стефан. Ветераните на АМНТ Стефо, Васко, Валентина, Гордана, а посебно Зоран и Антонио покажаа вистинска професионалност со високи глумачки вештини за кои треба да се гордееме што се дел од овој Театат.
Сценографијата и музиката беше на Стефо Нанцу и Никола Апостоловски кој исто управуваше со светлата.
Честитки до режисерот Стефо и целата екипа на Австралиско македонскиот театар од Сиднеј кој за последните девет години од формирањето на сцена успешно има поставено идинаесет драми и две монодрами.
Следните престави на Неочекувана забава се во Bankstown на 5 мај во 19 часот во Bankstown Polish Club, 11 East Terrace, во Carlton на 7 мај во 18 часот во Shopfront Theatre, 88 Carlton Pde., во Wollongong на 13 мај во 19 часот во Sun Lounge Function & Reception Centre, 14 Stewart St.
Душан Ристевски
