{besps}photo/mumba-festival{/besps}
На меѓународниот ден на жената се слават економските и политичките достигнувања на жените во минатото, сегашноста и иднината како и социјалната рамноправност со мажите. Првпат е прославен во 1909 година во САД. Во 1910 под закрила на Втората интернационала, во Копенхаген,беше одржана Првата меѓународна конференција на жените на која било одлучено да се прославува Меѓународен Ден на жената на 8 –ми Март, секоја година. Во 1911 година овој ден е прославен од страна на повеќе од еден милион луѓе во Австрија, Данска, Германија и Швајцарија. Денес, 8 март е државен празник во Русија, Белорусија, Молдавија, Украина, Ерменија, Бугарија, Монголија, Узбекистан, Виетнам. Во Македонија има повеќе симболично значење отколку поврзаност со идеалите за рамноправност,еднаков третман во општествено-политичкиот живот на жените со спротивниот пол.
Многу помало значење му се придава на интернационалниот Ден на жената кој се совпаѓа со Денот на трудот во Австралија. Сепак, голем број на македонски друштва, пензионерски групи, здруженија успеваат да го одржат овој празник и да го одбележат на еден достоен начин со организирање на прослави во најблиските центри, ресторани, или во градот.
Како и да е, 8 Март е голем повод за прославување па во таа прилика и честитки до сите жени во светот, посебно до македонската жена во и надвор од границите на Македонија.
По повод Денот на трудот 8 март,во државата Викторија, денес се одржа спектакуларниот фестивал на етничките заедници Мумба фестивал во Мелбурн. Секоја година на најмасовната парада по улиците на Мелбурн излегуваат и учествуваат десетици илјади Австралијани. Мумба парадата претставува место за презентација на мултиетничноста, традицијата, културата на сите нации во Австралија.Овој е најголем фестивал во цела Австралија и на парадата учество земаат голем број претставници од сите етнички групи во Австралија.Оваа година пред околу 10 000 посетители продефилираа 1 500 учесници на парадата, кловнови,Боливуд танчерки, џиновски кенгури, џиновски јадења, легендата на австралискиот фудбал Лу Ричардс. Во едночасовната парада по улиците на Мелбурн се развеа и македонското знаме. Младите играорци облечени во народни носии беа меѓу првите најавени кои со песна и игра достојно ја претставија македонската традиција и фолклор. Оваа година Мумба фестивалот имаше за цел да воведе односно врати стилот на монархија. Популарните музички имиња Кејт Собрано и Моли Мелдрум – први монарси во десет години. На тој начин се поврати сјајот и традицијата на овој спектакуларен фестивал. На овој ден се славеше за трудот на работникот, за убавото јадење, четирите временски сезони во еден ден во Мелбурн (по што е познат овој град). Низ прекрасните костими и кореографии, маски, игра и песна уште еднаш се претставија безброј етнички групи, се пренесоа илјадници пораки. Уште еднаш победи креативноста, победи културната толеранција и меѓуетничкиот соживот.
СРЕЌЕН 8-МАРТ денот на жената од Македонците од Мелбурн Австралија
Гордана Димовска
