Нова театарска продукција на Австралиско македонскиот театар од Сиднеј: „КЛЕОПАТРА ОД КРАВАРИ“

Австралиско-македонската културна сцена добива нов силен театарски проект – премиерата на комедијата „Клеопатра од Кравари“, во продукција на Австралиско-македонски театар од Сиднеј.

Станува збор за динамична, оригинална театарска претстава која носи свеж хумор, современа енергија и препознатлив македонски дух. „Клеопатра од Кравари“ е подготвена со голема посветеност и страст од врвни актери од Сиднеј и Волонгонг, кои на сцената носат уникатна комбинација од талент, искуство и сценска харизма.

Претставата е авторско дело на наградуваниот драматург и режисер Душан Ристевски, кој со својот препознатлив стил создава комедија што ветува смеа, но и суптилна општествена критика. Со интересен наслов и уште поинтересна содржина, „Клеопатра од Кравари“ претставува духовита игра на контрасти меѓу локалното и глобалното, традицијата и модерното.

На сцената ќе настапи ѕвездена актерска екипа составена од: Гордана Милошевска, Самоил Митревски, Васко Србиновски, Марија Александрова, Марика Стојанова-Рок, Јордан Трпковски, Иван Конески, Даниел Најдоски и Рубин Нешкоски.

Со оваа продукција, Австралиско-македонскиот театар уште еднаш ја потврдува својата мисија – да ја негува и афирмира македонската култура и јазик надвор од татковината, поврзувајќи ги генерациите преку уметноста.

„Клеопатра од Кравари“ не е само претстава – таа е културен настан што ја слави креативноста, идентитетот и хуморот на Македонците ширум светот.

За повеќе информации и резервации:

ROCKDALE

Macedonian Cultural Centre “Ilinden”

65 Railway Street Rockdale

8 Мај, петок во 7 часот

9 Мај, сабота во 7часот

ВANKSTOWN

Bankstown Polish Club

11 East Terrace Bankstown

10 Мај, недела во2 часот

WOLLONGONG

Croatian Catholic Centre

7-9 Bellevue Road Figtree

16 мај, сабота во 1 часот

16 мај, сабота во 7 часот