Јанко ТОМОВ
По говорот на претседателот д-р Ѓеорге Иванов на свеченоста за Денот на независноста која се одржа во Македонска Опера и Балет (МОБ) во Скопје, сите се упатија кон холот каде имаше коктел и каде се среќаваа и поздравуваа видни личности од политичкиот и општествениот живот од Македонија и нивни гости и познаници. Откако остваривме средба со Претседателот д-р Ѓеорге Иванов, јас и мојата сопруга Маргарет се упативме кон Претседателот на ВМРО-ДПМНЕ и Премиер на владата на Република Македонија, г-дин Никола Груевски.
Премиерот Груевски беше опколен со повеќе гости. Со почитуваниот премиер Никола Груевски отпочнавме мала конверзација, со ракување и честитање за Денот на независноста. Покрај моето лично преставување ја преставив мојата ценета супруга Маргарет, дека сме од Австралија на посета на Република Македонија. При тоа премиерот не` праша како сме ние Македонците во Австралија, на што му одговорив дека и ние го чувствуваме и славиме овој празник како наш. Премиерот г-дин Груевски, запознавајќи се со мојата супруга, пријателски и со насмеано лице, дозволи таа да не` фотографира.
Премиерот на Република Македонија г-дин Никола Груевски се запознава со Јанко Томов (во позадина лево)
Претседателот на ВМРО-ДПМНЕ и воедно Премиер на владата на Република Македонија, кој на Парламентарните избори во 2006 година победи и во коалиција со ДУИ ја поведе републиката во прогрес кој ниту една досегашна влада го нема ниту од близу остварено. За правилната политика од национален, економски и државен карактер, премиерот г-дин Никола Груевски е награден од народот. Како способен државник по трет пат ги освојува симпатиите на македонскиот народ и на последните вонредни Парламентарни избори во Република Македонија, како во републиката така и од дијаспората,а тоа е награда и за способноста на сите негови соработници. Посебните значајни остварувања на Премиерот Груевски, се во спроведувањето на реформите предложени од ЕУ, за кои секоја година заслужено Македонија добива позитивни оценки и препораки за Пристапни преговори со ЕУ. Исто така, досега се позитивни препораките и за членство во НАТО. Посебни напори Премиерот прави во дипломатската борба за зачувување на Уставното име на Македонија, за што цело патриотското иселеништво потполно го поддржува и му заблагодарува.
Претседателот на ВМРО-ДПМНЕ и Премиер г-дин Никола Груевски и Јанко Томов од Австралија, на прославата на Денот на независноста на Р.М. 2013
Уште од мојата прва посета на Република Македонија во 2007 година, заедно со мојата супруга Маргарет, бевме примени во кабинетот на премиерот г-дин Никола Груевски од страна на неговите соработници кои ни укажаа гостопримство и се извинија поради неможноста за прием и уверување со добри желби, дека следниот пат премиерот ќе не прими. При нашата посета во 2009 година, премиерот Груевски беше зафатен од државнички задолженија, но затоа бевме примени од г-ѓа Силвана Бонева, координатор на Парламентарната владина група на ВМРО-ДПМНЕ во Собранието на РМ.
Повторна средба со г-ѓа Силвана Бонева остваривме и на оваа свеченост, во чија близина беше и Претседателот на Собранието на РМ г-дин Трајко Вељановски. Двајца јаки застапници на владата кои ја организираат активноста на Законодавниот дом на Македонија, се интересираа за нашето иселеништво за што накратко посредоточив, дека иселеништвото е лојално на матичната родна Република Македонија.
Претседателот на Собранието на РМ г-дин Трајко Вељановски и Јанко Томов од Бризбен, Австралија
Лидерката на Парламентарната група на ВМРО-ДПМНЕ во Собранието на РМ, г-ѓа Силвана Бонева и Јанко Томов гостин од Австралија, 2013 година
Исто така посебно задоволство ни беше и запознавањето со Министрот за надворешни работи на РМ, г-дин Никола Попоски. Г-дин Попоски е интелигентна и преставителна млада македонска личност, како и другите лидери на владата и нејзините институции. Г-дин Попоски е перспективна личност, која со успех ја води македонската дипломатија, при што покрај ценетите манири при контакти и средби во своите активности, покрај англискиот се служи и со други светски јазици.
Министерот за надворешни работи г-дин Никола Попоски и г-ѓа Маргарет Томов, на свеченоста на Денот на независноста 2013
Г-дин Љубиша Георгиевски со супругата, во разговор со Јанко Томов од Австралија
