(од фалсификати до коректно презентирање)
Пишува: Јанко ТОМОВ
Пишувања во врска со историјата
Тенденција постои и во книгата “Историја на светот, Предисториска и античка Европа” (History of the World. Prehistoric and Ancient Europe), објавена во 1990 година (цит. дело).
Еден од поднасловите на оваа книга гласи: “Цивилизацијата во Бронзовата епоха на грчката земја” (“The Bronze-Age Civilization of the Greek Inland”). Се прашуваме од каде терминот “грчка земја” во Бронзовата епоха? Авторот можел да напише дека се работи за “Бронзовата епоха на територијата на денешна Грција”, но тој очигледно сакал да им сугерира на читателите дека “грчка земја” постоела уште во тоа време, иако ќе повториме дека Грција како држава е создадена дури во 19 век.
Ваква тенденција е забележана и на мапата на стр. 40, на која е прикажан Балканскиот Полуостров од Бронзовата епоха, а на мапата е означено името “Грција”, иако таква област тогаш не постоела на Балканот.
Дрзок фалсификат е направен и во книгата “Оксфорд илустрирана историја на предисториска Европа” од авторот Бари Конлиф (Barry Conlife: “The Oxford Illustrated History of Pre-Historic Europe” (објавена во 2001 година).
На страница 139 од оваа книга авторот, пишувајќи за неолитскиот период, ги спомнува сите денешни држави на Балканот, но не и Македонија. Наместо името на нашата држава тој го споменува градот “Скопје”. Очигледно дека овој крајно необјективен автор е под влијание (а можеби и материјална стимулација) на грчката државна пропаганда.
Овој автор пишува глупости и на стр. 145 од неговата книга каде го споменува “неолитскиот начин на живот во Грција” (на англиски: “неолитхиц њаѕ оф лифе ин Грееце”).
Значи, тој ја споменува “Грција” и тоа во времето на неолитот кога немало ни трага од таква држава, а не сака да ја спомне Македонија, иако во 2001 година (времето кога неговата книга е издадена), Македонија веќе десет години егзистира како обновена независна држава. Тој ја споменува “Грција”, кога пишува за неолитот и на стр. 149 од својата книга, а на страница 215 ја споменува дури и “предисториска Грција” (!?), наместо да напише “предисторискиот период во денешна Грција”. Грција не постоела ниту во историјата, а камоли во предисторијата.
На крајот од својата книга Бари Конлиф пишува:
“Првите населени земјоделски заедници во Грција и на Балканот… потекнувале од 7000 – 6000 година пред Христа”.
И ова е крајно тенденциозен и неточен податок и безобѕирен фалсификат. Не само што никаква Грција не постоела во тоа време, туку и се знае дека првата организирана населба во Европа е пронајдена на територијата на Македонија, а не во денешна Грција. Тоа е најраната досега откриена неолитска населба. Оваа населба е откриена неколку километри северно од Бер и истата датира помеѓу 6300 до 5300 година пред Христа. Куќите во оваа населба имале повеќе соби, а некои од нив имале и тераси. Во секоја куќа имало огниште, складиште за храна, како и централно светилиште. Во населбата била најдена претстава на женска фигура, како и цртежи на жаби, кози, диви свињи и бикови (Подетално кај Александар Донски: “Уделот на Македонците во светската цивилизација”, Штип, 2001, кој овие податоци ги цитира од современи грчки извори).
Да ја спомнеме и книгата на Фиона Мекдоналд под наслов: “Жената во историјата на античка Грција” (Fiona Macdonald: “Woman in History – Ancient Greece”, цит. дело).
Грешката е содржана уште во самиот нејзин наслов со спомнувањето на “античка Грција”, т.е. на држава која никогаш не постоела во историјата.
Овој термин е користен и во содржината на книгата. На стр. 5 пишува дека околу 6000 година пред Христа, населението што се занимавало со земјоделство се населило во “грчката земја”, иако во практика оваа земја била наречена “грчка” илјадници години подоцна.
П р о д о л ж у в а
