Македонска Нација
Оваа порака доаѓа од вашата татковина – од Македонија.
Од земја со древна историја, богата култура и дух што никогаш не се откажал.
Вашата врска со Македонија е крвна, духовна и семејна.
Таа тече низ јазикот што го зборуваме, писмото што го пишуваме, песните што ги пееме и спомените што ги носиме со себе. Тоа е идентитет што не се губи и не се брише со времето.
Иако низ историјата била делена, окупирана и оспорувана, Македонија никогаш не била скршена.
Нашите корени не исчезнале – тие живеат во секој македонски збор, во секоја песна, во секој обичај, во секој Македонец.
Ние сме народ со древни и славни корени.
Народот на Филип и Александар Македонски – кои му дадоа визија на светот.
Ние сме народот на Цар Самоил – кој ја бранеше државноста и идентитетот.
Народот на светите Кирил и Методиј – кои ни го подарија писмото и ја раширија светлината на христијанството.
Народот на Свети Климент и Свети Наум – кои од Охрид создадоа духовен и образовен центар за Европа.
Тука, на македонска почва, апостол Павле ја крсти Лидија – првата христијанка на европско тло.
Тука се роди Охридската Архиепископија – една од најстарите христијански цркви во Европа, чувар на нашата вера, писмо и културна самобитност.
Македонија е земја на знаење, вера и култура.
Земја на првите училишта, на духовната и просветителската мисија, на генерации што ја носеле македонската мисла далеку од своите граници.
Денес, кога светот со интернетот е поблизок од кога било, нашата обврска е уште поголема.
Да ја чуваме и пренесуваме македонската историја и култура.
Да ги оживуваме народните песни и ора, обичаите и традициите, приказните и легендите.
Да го зачуваме македонскиот јазик и писмо – како жив мост меѓу генерациите.
Учете ги вашите деца да ја сакаат Македонија.
Да ја познаваат нејзината историја и да ги разбираат нејзините предизвици.
Да ја почитуваат духовната и културната традиција на народ кој опстојувал и кога било најтешко – и никогаш не исчезнал.
Посетувајте ги македонските цркви и културни центри.
Одржувајте ја заедницата жива – каде и да сте.
Ние сме народ што не се откажува.
Народ што не го заборава минатото и не се плаши од иднината.
Нашата историја е сведоштво за издржливост, храброст и достоинство.
Нè делеа.
Нè иселуваа.
Се обидоа да нè избришат.
Пробаа да нè посрбат, да нè погрчат, да нè побугарат.
Да ни го сменат името, јазикот, верата и паметењето.
Но не им успеа.
Затоа што ние не сме од расипано семе.
Ние сме со здрав корен и силен ген.
Со паметење подлабоко од времето и со дух што не се крши.
И затоа опстанавме.
Се исправивме.
И останавме тоа што отсекогаш сме биле – Македонци.
Бидете горди што сте Македонци.
Македонија живее преку секој од вас.
Таа е вашиот корен, вашиот идентитет и вашето наследство.
Македонија не се заборава.
Македонија се живее, се чувствува и се пренесува.
Браќа и сестри, останете поврзани со своите корени.
Негувајте ја македонската култура и традиција.
Каде и да сте – вие сте дел од оваа древна и величествена земја.
Македонија секогаш ќе биде горда на вас – своите деца.
Да се гордееме со Филип и Александар Македонски, со Самоил, со Кирил и Методиј, со Климент и Наум. Со Тодор Александров, Гоце, Никола, Јане, Питу, Ченто, Илинденците, Асномците,…
Да се гордееме со сите оние што ни го втиснаа името, јазикот и духот во историјата.
Да се гордееме со верата, писмото и културата што нè одржаа низ вековите.
Македонија не е само минато.
Таа е наше сегашно и наша обврска кон иднината.
Денес, Македонија чекори напред.
Со крената глава и исправена кичма.
Со јасна волја и достоинство.
Да бидеме и ние дел од тој чекор.
Да придонесеме.
Да изградиме.
Да оставиме трага.
Без Македонија – нè нема.
Со Македонија – постоиме засекогаш.
Македонија е сè што имаме.
