До
Учесниците на заедничкиот состанок
на Македонските асоцијации во Берлин
Чест ми е и ми причинува големо задоволство што имам можност да ги поздравам присутните на овој прв заеднички состанок на сите Македонски асоцијации во Берлин. Средбата што денес ја закажавме сметам дека е доцна, но сепак оптимистички да гледаме не е предоцна, ако успееме да ја постигнеме нашата заедничка цел, а сè во смисла и интерес за заедничко и едномислено разбирање, договарање на сите нас кои овде живееме и кои ги застапуваме интересите на Македонците во Берлин.
Ако постигнеме заедништво и здружување ќе размислуваме за сите полезни интереси за нашето живеење овде и во Македонија. Сите наши желби требада бидат вперени во подобрување на нашиот живот со меѓусебно помагање и максимално ангажирање за нашата мила татковина, за нејзината афирмација и меѓусебното признавање, сè друго треба да се остави настрана барем во овој тежок и важен историски момент. Апелираме до сите брзо будење правилно ориентирање, и делување за општото добро.
Потребно е искоренување на сè што не е полезно и е противно на заедничките интереси за нас кои живееме во Берлин и за интересите на Македонија. Сведоци сме на немили и непријатни настани кои што подолго време се случуваат помеѓу нас, а тоа е резултат од настаните што се случија во бивша Југославија, за што ние Македонците најмалку сме виновни. Настанаа големи разобединувања и недоразбирања, а ние Македонците неуспеавме да се сплотиме како што се сплотија другите етнички групи, па така секој од нас поединечно штити различни интереси, а тоа неповолно се одразува, односно го разобединува нашиот народ. Но, сепак да се вратиме на целта за која што овој состанок го закажавме. Затоа предлагам неколку точки кои се актуелни да ги разгледаме а потоа предлагам да дискутираме по овие точки:
1. Проблемите настанати на прославата по повод 8 март.
2. Проблемот со отказот со договорот на просториите од Мак. Клуб.
3. Изнаоѓање начин за меѓусебна соработка на сите Македонски асоцијации
а) Предлог за заедничко организирање на прослави
б) Барање простории за разонода на Македонската Младина во Берлин
в) Формирање Македонска Заедница на сите асоцијации во Берлин.
4. Улогата на Македонските асоцијации во Берлин
а) Афирмација на Р. Македонија, односно градење здраво силно Македонско лоби.
б) Изнаоѓање можности за помош на Р. Македонија, односно купување на бараното медицинско помагало за медицинскиот центар во Скопје.
в) Испраќање на заеднички протести и Апели против промената на името на Р. Македонија, и било какво нејзино прекрстување.
Благодарам на вниманието и ги молам сите присутни да се зафатат со работа и дискусиите што ќе се водат да бидат кратки и јасни односно конкретни. Се надевам дека правилно ќе ме разберете и пожелувам пријатна и плодна работа на состанокот.
Берлин, 2.04.1993
Од УО на МПЦО „Св. Климент Охридски“ од Берлин
