Свекрва
Секој израз на патриотизам се санкционира со цел да се исплаши народот.
Најдобар пример на заплашување на народот, се патриотите кои беа дел од настаните на 27 април 2017 година на настаните во Собранието, денес се товарат за тероризам, а други се осудени на повеќе од 80 години затвор.
На 27 април 2017 година, откако претседавачот Трајко Вељановски официјално го прекина 20 продолжение на конститутивната седница на Република Македонија, пратениците на СДСМ и албанските партии останаа во Собранието и со своите постапки го испровоцираа насобраниот народ кој мирно протестираше пред Собранието.
Насилното избирање на Талат Џафери за нов спикер на Собранието, надвор од деловникот и без потребниот број гласови ги исправоцира македонските патриоти.
Водени од македонската идеја и чесната мисла, македонските патриоти во одбрана на македонскиот суверенитет влегоа во Собранието.
За учество во овие инциденти, денес, под диригентска палка на нелегално избраната власт и „независното судство“ се товарат 5 пратеници на ВМРО ДПМНЕ за тероризам (нешто што не го направиле), а седумина обвинети за обид на убиство на пратеникот Зијадин Села добија вкупно 81 година затвор.
Ако се има во предвид дека според сведоците дел од обинетите му помагале на Села, а немале за цел да го убијат, постојат сериозни сомнежи дека зад драконските казни се работи за политички мотиви. Односно дека со ваквите казни се сака да се заплаши македонскиот народ да не се спротивставува на промената на името и неговиот идентитет, по спогодбата направена меѓу властите на Скопје и Атина.
Многу одамна беше најавено од оваа владејачка гарнитура дека кога ќе дојдат на власт, ќе јадат живи луѓе, денес тоа се гледа на дело. Меѓутоа, на овој политички реваншизам мора да се стави крај, зошто го подели македонскиот народ, а со тоа ги доведе во прашање националните интереси на земјата и својот суверенитет.
Македонскиот народ мора да продолжи напред, а за тоа треба да се обедини околу клучните прашања по неговиот опстанок и неговата иднина.
Пред се треба да го оставиме минатото зад нас, а како знак на помирување, потребна е амнестија за луѓето од 27 април, кои застанаа во одбрана на уставниот поредок на земјата, нејзиниот суверенитет и интегритет.
„Има невини луѓе по затворите, само затоа што се воделе од чесна идеја и мисла, и единствен мотив им била нивната татковина Република Македонија. На ова лудило од политички реваншизам, еднаш мора да му дојде крајот“, порача Христијан Мицкоски претседател на ВМРО-ДПМНЕ.
Во Собранието на Република Македонија од страна на Единствена Македонија беше доставен Предлог – закон за амнестија за настаните од 27 април, минатата години.
Македонците мора да ги заштитат своите патриоти кои се борат за својата кауза.
Соочени со фактот дека затворените и осудените македонски патриоти и нивните семејства се соочуваат со финансиски проблеми, предлагаме во Македонија и дијаспората да се организираат здруженија и да се отворат жиро сметки на која секој Македонец ќе може да донира средства со која би се платил тим од познати адвокати кој ќе ги застапува пред судовите за да ги извлече од неправедната пресуда, но и да им се помогне на нивните семејства.
Време е да ја покажеме нашата солидарност!
