Македонска Нација
АПЕЛ за поддршка за набавка и транспорт на камен од прилепски мермер до Полска
Почитувани пријатели и поддржувачи на Македонската вистина за историјата,
Петро Алексовски, автор на изложба и документарен филм посветени на македонските деца-бегалци кои по Граѓанската војна во Грција нашле прибежиште во Полска, годинава започна значаен проект – изградба на мал споменик во градот Полице-Полска.
Во овој град некогаш биле згрижени околу 1.750 македонски деца-бегалци, а локалните власти активно се вклучија во иницијативата со желба историјата и судбината на Македонците во нивниот град да останат запаметени. Веќе беа организирани проекции на филмот и изложба посветена на оваа тема.
За реализација на спомен-обележјето потребна е поддршка за набавка и транспорт на камен од прилепски мермер до Полска. Проценетата вредност на трошокот изнесува околу 2.000 евра.
Ги повикуваме сите хумани луѓе, компании и иселеници кои сакаат да помогнат во зачувување на ова значајно историско сведоштво, да се вклучат како спонзори и поддржувачи на проектот.
Секоја помош е добредојдена и ќе значи траен белег во чест на македонските деца-бегалци.
Ако има некој заинтересиран да помогне, за детали контактирајте го Петро Алексовски, кој живее во Полска:
tel: +48 603 656 454
