По повод 35-годишнината од прогласувањето на самостојна и суверена Република Македонија, редакцијата на „Македонска нација“ упатува искрени честитки до македонскиот народ, до сите граѓани во татковината и до Македонците ширум светот.
На 8 септември 1991 година, граѓаните со огромно мнозинство ја изразија својата волја да живеат во независна и суверена држава. Тој историски чин претставуваше остварување на вековниот стремеж на генерациите што се бореа, страдаа и се жртвуваа за слободна Македонија.
Денес, 35 години подоцна, со гордост им оддаваме почит на сите што придонесоа за создавањето, развојот и опстојувањето на македонската држава. Наша заедничка должност е да ги чуваме нејзината независност, сувереност и државност, како и македонскиот јазик, историја, култура, идентитет и национално достоинство.
Македонија е нашиот завет, нашата гордост и нашиот вечен дом. Да останеме обединети во љубовта кон татковината и посветени на нејзината слобода, достоинство и напредок. Само со слога, мудрост и верба во сопствените сили можеме да изградиме посилна и просперитетна Македонија и сигурна иднина за поколенијата што доаѓаат.
Нека македонското име, јазик и идентитет живеат вечно!
Нека е вечна, слободна и горда Република Македонија!
Честит 8 Септември – Денот на независноста!
Редакција „Македонска нација“
