СДС и Венко Филипче повторно покажаа дека немаат јасна политика, ниту јасна порака кога станува збор за европските аспирации на Македонија.
Нивните прес-конференции и јавни настапи се претвораат во политичка конфузија по принципот: „сакам да кажам, не знам да речам“.
Сакаат да понудат нешто, но не знаат што. Сакаат да испратат порака, но не знаат како да ја формулираат. Сакаат да се претстават како европски ориентирани, а во суштина само ја повторуваат реториката која оди во полза на бугарските позиции.
Венко Филипче, кој сè повеќе делува како специјален пратеник на Радев во Македонија, е во целосно политичко бунило. Конфузен е, но истовремено и упорен во настојувањето да ја турка истата линија што граѓаните одамна ја препознаваат како штетна за македонските национални интереси.
Наместо јасна државничка позиција, СДС нуди празни фрази. Наместо заштита на достоинството на Македонија, нуди сервилност. Наместо европска перспектива со зачуван идентитет, нуди прифаќање на туѓи диктати и политички понижувања.
Прес-конференциите на СДС поврзани со ЕУ-интеграциите не се ништо друго освен одраз на површноста, несигурноста и политичката збунетост на Венко Филипче. Тој сака да изгледа сериозно, но секој негов настап само дополнително ја открива вистината – СДС нема ниту план, ниту став, ниту капацитет да ја брани Македонија.
Граѓаните добро гледаат дека зад наводната грижа за европската иднина се крие старата политика на отстапки, притисоци и предавства.
Затоа Филипче и СДС колку повеќе зборуваат, толку повеќе ја покажуваат сопствената конфузија.
