На прво место

Филипче се врати од јахтата на Заев и настапува како да се вратил од друга планета

Македонска Нација

Македонска Нација

Венко Филипче, по одморот на јахтата на Зоран Заев, очигледно собра нови сили и веднаш продолжи со изјави, прес-конференции и партиски соопштенија. Настапува како да се вратил од друга планета, а не од одмор со човекот со кого седум години ја водеа Македонија кон национални понижувања, економска несигурност и институционално пропаѓање.

Филипче денес зборува како да не бил дел од власта на Зоран Заев. Како да заборавил што направија со државата, какви одлуки донесуваа и какви последици им оставија на граѓаните.

Но, Македонија памети.

Паметат граѓаните чие национално достоинство беше погазено со насилната промена на уставното име. Паметат како националните и историските прашања беа претворени во предмет на политички пазарења. Паметат дека по сите отстапки Македонија не стана членка на Европската Унија, туку доби нови услови, нови блокади и дополнителни притисоци врз македонскиот идентитет, јазик и историја.

Граѓаните ги паметат и економските последици од седумгодишното владеење на СДС. Јавниот долг беше речиси двојно зголемен во споредба со 2017 година, додека економскиот раст остана слаб. Задолжувањата растеа, а голем дел од ветените капитални проекти останаа само на хартија.

Наместо нови автопати, пруги, фабрики и енергетски капацитети, јавноста секојдневно слушаше за сомнителни тендери, непродуктивни трошења и корупциски афери. Институциите беа партизирани, довербата во правосудството беше урната, а криминалот и корупцијата станаа главна забелешка во речиси секој меѓународен извештај.

Во здравството, каде што Филипче беше министер, останаа неодговорени многу тешки прашања. Трагедијата во модуларната болница во Тетово, во која животот го загубија 14 лица, не смее да се заборави. Не смеат да се заборават ниту сомнежите поврзани со набавките, тендерите и неуспешниот обид за набавка на вакцини преку посредничка компанија.

На ова треба да се додадат лошото справување со енергетската и економската криза, високата инфлација, затворањето компании, иселувањето на младите, хаосот со личните документи и чувството дека државата е заробена од тесни партиски и бизнис-интереси.

И по сето тоа, Филипче денес се обидува да се претстави како човек кој треба да ѝ објаснува на јавноста како се води државата.

Абе, Филипче, не ти стигаат ни сто години да направиш за Македонија толку колку што Христијан Мицкоски, како премиер на Владата предводена од ВМРО-ДПМНЕ, направи за само две години.

Од застој кон развој

Новата Влада наследи задолжена држава, празна буџетска каса, нефункционални институции и низа започнати, но заглавени проекти. За две години, Македонија повторно стана големо градилиште.

Интензивирана е изградбата на автопатските делници на Коридорите 8 и 10, продолжија работите на автопатот Кичево–Охрид, а се подготвуваат и нови делници, меѓу кои Блаце–Скопје и Букојчани–Кичево. Паралелно се градат и реконструираат регионални и локални патишта низ целата држава.

За општините беа обезбедени стотици милиони евра за реализација на проекти што непосредно го подобруваат животот на граѓаните: водоводи, канализации, улици, училишта, градинки, спортски сали и други локални инфраструктурни објекти. Средства добија сите општини со подготвени проекти, без оглед на партиската припадност на градоначалниците.

Затворена е и финансиската конструкција за источниот дел од железничкиот Коридор 8, со обезбедени 149,2 милиони евра грант и 350 милиони евра кредитни средства. Со тоа Македонија добива можност конечно да го заврши железничкото поврзување што со децении беше само политичко ветување.

Истовремено, се работи на гасниот интерконектор со Грција, далноводот Битола–Елбасан и продуктоводот Солун–Скопје. Македонија постепено се позиционира како важна транспортна и енергетска крстосница на Балканот.

Економски раст и нови инвестиции

Економските резултати веќе се видливи. Во првиот квартал од 2026 година е остварен раст на бруто-домашниот производ од 3,2 проценти. Во 2025 година странските директни инвестиции достигнаа рекордни 1,255 милијарди евра.

Се отвораат нови фабрики, а постојните инвеститори ги прошируваат своите производствени капацитети. Најавени се нови инвестиции од Германија и САД, како и проекти во автомобилската, енергетската и технолошката индустрија. Тоа значи нови работни места, поголем извоз и долгорочен економски развој.

Владата обезбеди поволни кредитни средства за домашните компании, со каматна стапка од 1,95 проценти, со цел стопанството да инвестира во нова опрема, производство и вработувања.

Повисоки пензии и плати

За само две години пензиите беа линеарно зголемени за вкупно 7.000 денари. За семејство со двајца пензионери тоа значи дополнителни 14.000 денари месечно.

Платите во образованието започнаа да растат според повеќегодишен договор, со кој до 2028 година се предвидува вкупно зголемување од најмалку 46 проценти. Платите во здравството исто така беа зголемени, а започна и вработувањето на млади лекари и специјализанти.

Во земјоделството беа исплатени над 1,5 милијарди денари субвенции, со што се намалуваше наталожениот долг кон земјоделците и се враќаше довербата во системот на државна поддршка.

Се инвестира и во училиштата, студентските домови, здравствените установи, спортската инфраструктура и модернизацијата на Армијата. За две години се реализирани или започнати 60 спортски проекти, во вредност од над 21 милион евра.

Разликата ја гледаат граѓаните

Разликата е очигледна. СДС седум години произведуваше афери, поделби, национални отстапки и политички хаос. Владата на Христијан Мицкоски за две години отвори нов инвестициски и инфраструктурен циклус, ги зголеми пензиите и платите, обезбеди средства за општините и ја врати Македонија на патот на развојот.

Затоа Филипче може секојдневно да одржува прес-конференции и да испраќа соопштенија, но не може да го избрише сопственото политичко минато. Не може од јахтата на Заев да се врати како нов човек и да очекува граѓаните да заборават дека беше еден од најмоќните функционери во седумгодишната власт на СДС.

По седум години власт исполнети со национални отстапки, економско назадување, задолжување, корупциски афери и разорени институции, Филипче повторно дели лекции. Но фактите покажуваат дека Владата на Христијан Мицкоски за две години направи повеќе отколку СДС за целиот свој мандат.

Најново од: На прво место

35 ГОДИНИ ОД ПРВИОТ УСТАВ: ТОДОР ПЕТРОВ ГО КРЕНА ПРВОТО ДРЖАВНО ЗНАМЕ СО ШЕСНАЕСЕТЗРАЧНОТО СОНЦЕ ОД КУТЛЕШ

35 ГОДИНИ ОД ПРВИОТ УСТАВ: ТОДОР ПЕТРОВ ГО КРЕНА ПРВОТО ДРЖАВНО ЗНАМЕ СО ШЕСНАЕСЕТЗРАЧНОТО СОНЦЕ ОД КУТЛЕШ Свечена седница, историски сведоштва и изложба во Собранието на Македонија по повод 35-годишнината од донесувањето на првиот Устав на суверена и самостојна држава Македонија.** **СКОПЈЕ, 17 ноември 2026 година** – Со свечена седница во Собранието на Македонија беа […]

18 ноември 1944 – Ослободен е Гостивар

На 18 ноември 1944 година, во попладневните часови, Петнаесеттата македонска бригада на 48. дивизија прва влегла во Гостивар. Градот бил ослободен истиот ден, во завршните операции на Народноослободителната војска на Македонија во западниот дел на земјата. На ослободувањето на Гостивар му претходеле тридневни борби во Кичевско. Од 15 до 17 ноември, на потегот од Кичево […]

35 години од првиот Устав на независна Македонија

На 17 ноември 1991 година, Собранието го усвоил првиот Устав на независна Република Македонија со 92 гласа „за“ и 22 „против“. Со Уставот, донесен по референдумот за независност од 8 септември 1991 година, биле утврдени државното уредување, основните права и слободи на граѓаните и поделбата на власта на законодавна, извршна и судска. Референдумската одлука за […]

Амбасадорите на Вишеградската група со порака од Скопје: Македонија има сојузници на патот кон ЕУ

Во заедничкиот текст по повод 17 ноември, амбасадорите на Словачка, Чешка, Полска и Унгарија ја поврзуваат 35-годишнината од донесувањето на Уставот на независна Македонија со демократските промени во Централна Европа во 1989 година. Словачка, Чешка, Полска и Унгарија остануваат поддржувачи на европската интеграција на Македонија и застапници на нејзиното членство во Европската Унија. Ова е […]

ВМРО-ДПМНЕ бара одговори од Филипче и СДС за влезот на Алта банка

Филипче и СДС се во политички ќорсокак, фактите и документите за Алта Банка ги демаскираа лагите затоа сега се кријат и бегаат од одговори Кога фактите и документите за Алта банка излегоа на површина Филипче и СДС се кријат и бегаат од одговорност. Откако со месеци ја користеа Алта банка за ширење политичка паника, Филипче […]

Вајц ја гледа Македонија меѓу предводниците во преговорите со ЕУ

Во обраќањето пред Собранието, европратеникот ја нагласи важноста на доследната примена на законите за привлекување инвестиции и на изборот на стручни кадри за враќање на довербата во институциите. Томас Вајц, Македонија, Европска Унија, пристапни преговори, блокади од Бугарија, владеење на правото, парламентарен надзор, борба против корупцијата, избор на раководни кадри, доверба во институциите Македонија, со […]

Мицкоски од Брисел – проширувањето на ЕУ мора да се темели на заслуги, реформи и резултати

Премиерот Христијан Мицкоски денеска во Брисел порача дека проширувањето на Европската Унија треба да се темели на заслугите на земјите кандидати, на спроведените реформи и на конкретните резултати. Тој се обрати на Форумот за проширување на ЕУ („EU Enlargement Forum 2026“), во организација на Европската комисија. Мицкоски истакна дека Македонија е посветена на спроведувањето на […]

До кога ќе бидат исклучени микрофоните на Бихаќка?

На Бихаќка, по неколку месеци силен тон за Алта банка, микрофоните одеднаш стивнаа. Штета, токму кога публиката почна да поставува прашања. А првото беше сосема едноставно. Кој прв ја отворил вратата за Давор Мацура да купи акции во Македонија? Според Манасиевски од ВМРО-ДПМНЕ, одговорот води до времето кога СДС беше на власт. Ако е така, […]

To top