Филипче веќе ја нуди Македонија на распродажба и подготвува нови национални отстапки само за да дојде до власт
Додека официјална Бугарија секојдневно испраќа пораки со кои се оспоруваат македонскиот идентитет, македонскиот јазик и историската посебност на македонскиот народ, Венко Филипче молчи и ја убедува јавноста дека нема причина за загриженост.
Наместо јасно да ги брани државните и националните интереси и да бара цврсти гаранции од европските партнери, Филипче испраќа сигнали дека е подготвен да прифати барања кои мнозинството граѓани ги сметаат за неправедни, навредливи и понижувачки.
СДС повторно не настапува државнички. Наместо заштита на националните позиции, нуди политика на попуштање и капитулација пред бугарските барања.
Тоа е истата матрица што јавноста веќе еднаш ја виде. Зоран Заев со години уверуваше дека нема опасност за националните интереси, а потоа следуваа низа отстапки кои оставија длабоки политички последици и големо разочарување кај македонскиот народ.
Денес Венко Филипче оди по истиот пат. Прво ги релативизира бугарските позиции, а потоа ќе се обидува да ги претставува нивните барања како разумни, неизбежни или европски.
Филипче не нуди визија за заштита на државните интереси. Не нуди стратегија за одбрана на македонските национални позиции. Наместо тоа, нуди политика на сервилност, попуштање и прифаќање на туѓи диктати, само за да обезбеди политичка поддршка и да се доближи до власта.
ВМРО-ДПМНЕ останува цврсто на ставот дека македонскиот идентитет, македонскиот јазик, македонската историја и македонската култура не се предмет на уцени, преговори или политичка трговија. Ниту една власт нема право да преговара за темелите на македонската државност и националниот опстанок.
Македонија не е на продажба. Националното достоинство нема цена, а идентитетот не смее да биде валута за нечии политички амбиции.
