Фондот на Холокаустот на Евреите во Македонија предаде значајна донација на ЈУ Дом за доенчиња и мали деца – Битола, испраќајќи силна порака за хуманост, солидарност и грижа кон најмладите.
Директорката на установата, при приемот на донацијата, изрази искрена благодарност за поддршката и вниманието што институцијата го добила од Фондот на Холокаустот на Евреите во Македонија.
„Понекогаш зборовите се премалку за да ја опишат благодарноста што ја чувствуваме. Од срце, со искрена почит, упатуваме благодарност до Фондот на Холокаустот на Евреите во Македонија за нивната човечност, подадена рака и искрена грижа.
Вашиот гест не е само донација — тоа е надеж. Тоа е чувство дека не сме сами. Тоа е топлина која се чувствува во секојдневието, сигурност која носи мир и насмевки кои доаѓаат од срце.
Во време кога најмногу значи поддршката, вие покажавте што значи вистинска солидарност и љубов кон заедницата. Со вашата добрина внесовте светлина, достоинство и верба дека добрите луѓе секогаш постојат“, изјави директорката.
Од Домот за доенчиња и мали деца – Битола посочуваат дека ваквите донации имаат огромно значење за секојдневното функционирање на установата и за создавање подобри услови за децата кои престојуваат таму.
