МААК – Конзервативна Партија: 113 години од Букурешкиот договор
На 10 август се навршија 113 години од потпишувањето на Букурешкиот договор од 1913 година – документ со кој беше извршена поделбата на Македонија и беа создадени историски неправди, чии последици македонскиот народ ги чувствува и денес.
МААК – Конзервативна партија не ја прифаќа неправдата како трајна категорија.
Партијата официјално се заложи за ревизија на Букурешкиот договор. Во согласност со оваа определба, претседателот на МААК, Страшо Ангеловски, поднесе официјално барање до Обединетите нации за негово ревидирање.
Ова не е само политичко прашање. Тоа е прашање на историска правда, национално достоинство и право на еден народ да ги брани својата историја, својот идентитет и својата иднина.
МААК ќе продолжи доследно да се залага за отворање на прашањата што со децении беа премолчувани, како и за враќање на македонското историско прашање на меѓународната политичка сцена.
Историјата не може да се избрише.
Историската неправда не смее да се заборави.
Борбата за вистината продолжува.
