СДС мора да се договори сам со себе: дали средствата од ЕУ за Македонија се резултат на спроведени реформи или доказ дека реформите не се спроведуваат?
Толку е голем очајот во СДС, што навистина веќе ништо не може да нè изненади.
Во своето соопштение, СДС тврди дека Србија не добила средства од ЕУ за Планот за раст затоа што, како што велат, не спровела реформи.
Од друга страна, истите тие велат дека и Македонија не ги спроведува реформите, иако токму за Македонија се ослободени најмногу средства од целиот Западен Балкан — над 66 милиони евра.
Сега СДС треба конечно да се договори сам со себе: дали средствата што ЕУ ги ослободи за Македонија во рамките на Реформската агенда се резултат на спроведени реформи или, како што тие тврдат, на неспроведени реформи?
Оваа политичка контрадикторност најдобро ја опишува состојбата во која се наоѓа СДС — партија која во обид да ја нападне власта, на крајот влегува во судир со сопствените тврдења.