Провидна е играта на опозицијата.
СДС, Левица и ДУИ сакаат на следниот изборен циклус да се претстават како жртви и оштетени. Токму затоа не беше донесен Изборниот законик.
Стравот од изборен пораз, кој е повеќе од очигледен, ги натера овие три политички партии да се здружат и да го блокираат еден од најважните закони за функционирањето на политичкиот и изборниот систем.
Иако досега немало поголем простор за консензус и подготвеност од страна на Владата за прифаќање на предлозите на опозицијата, СДС, Левица и ДУИ избраа опструкции.
Имаа можност меѓусебно да се договорат за решенијата што ги предлагаат, со јасна порака дека постигнатиот договор ќе биде прифатен. Сепак, тие и тоа го одбија.
Европските функционери посочуваат дека Македонија е лидер во спроведувањето на Реформската агенда и дека ќе добие значителни финансиски средства од Планот за раст токму поради испорачаните реформи. Истовремено, тие повикаа на консензус меѓу сите политички партии за донесување на Изборниот законик.
Но, наместо да придонесат кон реформскиот процес, СДС, Левица и ДУИ одлучија да го блокираат напредокот на државата.
Нивната намера е прочитана. Политиката со која сакаат да се претстават како жртви и оштетени нема да им помине.
