Додека Владата бележи меѓународни признанија и дипломатски успеси, СДС и Венко Филипче продолжуваат со реторика што ги поткопува државните позиции и националните интереси.
СДС и Венко Филипче не можат да ја сокријат нервозата од позитивните резултати што Македонија ги постигнува на домашен и меѓународен план, па сè почесто настапуваат како продолжена рака на политиките што со години нанесуваа штета на државните и националните интереси.
Наместо да се радуваат на секој успех на Македонија, во СДС гледаат проблем во секое меѓународно признание, секој дипломатски напредок и секоја позитивна оценка што државата ја добива од меѓународните институции.
Владата предводена од ВМРО-ДПМНЕ покажува дека Македонија може да води европска политика без понижувања, без тргување со идентитетот и без прифаќање решенија што се спротивни на националните интереси.
Токму затоа нервозата кај Венко Филипче е сè поочигледна. Како политички наследник на Зоран Заев, човекот кој остана запаметен по најконтроверзните национални отстапки, Филипче секојдневно ја повторува истата агенда и инсистира на уставни измени, без гаранции и без јасна европска перспектива за државата.
Само во изминатата недела Македонија доби неколку значајни меѓународни признанија кои претставуваат потврда за посветената работа на Владата и за правилната насока во која се движи државата.
Претседателот на Европскиот совет, Антонио Кошта, од Скопје порача дека Македонија бележи видлив напредок во спроведувањето на Реформската агенда. Следуваше и изборот на Македонија за членка на Економскиот и социјалниот совет на Обединетите нации (ЕКОСОК) за периодот 2027–2029 година.
Станува збор за историски дипломатски успех и прв избор на Македонија во ова тело од стекнувањето на независноста, што претставува силна потврда за меѓународниот кредибилитет и довербата што државата ја ужива.
Во меѓувреме, Комитетот за надворешни работи на Европскиот парламент го усвои нацрт-извештајот за Македонија, испраќајќи порака дека државата останува препознаена како сериозен и посветен европски партнер.
Дополнително, завршувањето на постмониторинг-процесот во Советот на Европа претставува уште една потврда за демократскиот капацитет и институционалната зрелост на државата.
Разликата меѓу политиките на ВМРО-ДПМНЕ и СДС е повеќе од очигледна. Додека Македонија под водство на ВМРО-ДПМНЕ гради партнерства, добива доверба и остварува конкретни резултати, СДС и Венко Филипче остануваат заробени во политиките на попуштање и прифаќање туѓи агенди.
Додека Владата ја позиционира Македонија како достоинствена, почитувана и самоуверена европска држава, Филипче е подготвен на секоја отстапка само за да дојде до власт. Затоа денес тој бара уставни измени дури и погласно од официјална Софија.
Македонија оди напред, се развива и сè поуспешно ги брани своите позиции на меѓународната сцена. Единствено на СДС и Венко Филипче им пречи секој успех на државата, бидејќи не можат да се помират со фактот дека Македонија денес покажува дека може да напредува достоинствено и без национални отстапки.
