Последната изјава на СДС дека Христијан Мицкоски „сам владеел“ во ВМРО-ДПМНЕ звучи повеќе како обид за дефокусирање отколку како сериозна политичка критика.
Постои една стара народна изрека: „Не гледај во туѓиот двор, туку прво среди го својот.“ Токму таа најдобро се однесува на СДС.
Партијата на чело со Филипче во изминатите години се соочи со сериозни внатрешни поделби, заминувања на функционери и континуирани изборни порази, денес држи лекции за тоа како треба да функционира друга политичка партија.
Наместо да се занимава со кадровската политика на ВМРО-ДПМНЕ, СДС најпрво треба да одговори на прашањата за сопствената состојба и довербата што ја изгуби кај граѓаните.
Политичкиот кредибилитет не се гради со коментирање на туѓите внатрепартиски односи, туку со сопствени резултати, идеи и одговорност.
Затоа, пред да нуди „реформи“ за ВМРО-ДПМНЕ, СДС би можел прво да се посвети на реформите што му се потребни во сопствениот двор.
